Salam agzalar we myhmanlar! basym Oraza yetip gelyar. biraz wagt hem baram welin shu temany achaydym. belki bilmeyanler bardyr... Oraza chenli owrener belkide..... «Oraza» sözi pars dilinden geçipdir. Bu arap dilinde «sawm» we «siýam» sözleri bilen aňladylýar. «Sawm» sözi arapçada: «Bir zatdan daş durmak, özüňi saklamak, böwet bolmak» manylarynda ulanylýar. Fykyh taýyndan oraza imsak wagtyndan iftar wagtyna çenli ýagny, fejri sadykdan (daň atmazynyň öň ýany) başlap, tä Gün ýaşýança aralykda hiç zat iýmän-içmän, jynsy gatnaşyk etmän, öz nebsiňi saklamak diýmekdir. «Imsak» sözi özüňi saklamak, böwet bolmak manylaryny berýär. Imsak wagty (agyz beklenýän wagt) fejri sadygyň girmegi bilen, ýagny, ýassy namazynyň wagtynyň gutaryp, ertir namazynyň wagtynyň girmegi bilen başlanýar. Bu wagt selällik wagty hem gutaryp iýmekden, içmekden, jynsy gatnaşykdan el çekilýär. «Iftar» sözi açmak, bozmak diýen manylary berýär. Iftar wagty (agzaçar) orazanyň gadaganlyklarynyň wagtynyň gutarmagydyr. Bu wagt agşam namazynyň hem başlanýan wagtydyr. Orazanyň hökümi Oraza tutmak yslamyň bäş esasyndan biridir. Oraza hijretiň ikinji ýyly, şaban (meret) aýynyň onunjy güni Medinede farz edilýär. Munuň farzlygy Kitaba, sünnete we ijmaga esaslanýar. Kurany Kerimde şeýle buýrulýar: «Eý, iman getirenler! Siz takwa bolarsyňyz diýip, Sizden ozalky ymmatlara farz edilişi ýaly, size hem oraza tutmak farz edildi», (Bakara, 183). Oraza hem namaz ýaly, beden bilen amal edilýän ybadatdyr. Bu ybadatyň iň esasy aýratynlygy: ynsany erbetlikden saklamagy, nebsiň dürli ham-hyýallaryny jylawlamagydyr. Hadysy şerifde: «Oraza bir galkandyr. Orazaly kişi jahyllyk edip, erbet sözi aýtmasyn. Özi bilen uruşmak, käýişmek, yrsarap azar bermek isleýän kişä: «Men orazaly» diýsin», (Buhary, Müslim) diýip ündelýär. Başga bir hadysda: «Kim ynanyp, sogabyny Allahdan tama edip, remezan orazasyny tutsa, öňki günäleri bagyşlanar», (Buhary) diýilýär.
Oraza
-
Mumin
13 years ago
- Allah razy bolsun yslam!
-
NB
13 years ago
- Oraza tutmagyň ynsan saglygyna täsiri
Germaniýaly professor Kehardet adamyň özüne erk edip bilmegi barada ýazan kitabynda agyz beklemegi maslahat berýär. Ynsanyň maddy meýilleriniň ýesiri bolmazlygy, nebsiniň jylawyny elinde tutmagy, ruhuň jesede – fiziki bedene sözüni geçirip bilmegi üçin iň täsirli ýoluň orazadygyny belleýär.
Professor M.Hamidullah hem bu mesele bilen baglanyşykly şeýle diýýär: “Oraza aýy bolan Remezan belli bir yzygiderlilikde gyş, ýaz, tomus, güýz – ýylyň ähli pasyllaryna deň gelýär. Munuň netijesinde adam tomsuň jöwzaly yssysynda-da bu mahrumyýete öwrenişýär. Şübhesiz, munuň ynsan üçin saglyk, beden berkligi we ş.m. birnäçe peýdasy bardyr.”
Dr. Rowy bolsa bu barada: “Oraza, bedeniň kesellere garşy daýanyş güýjüni artdyrýar. Lukmançylyk ylmynyň bu möhüm hakykatyny yslam dini orazany parz kylmak arkaly musulmanyň durmuşyna ornaşdyrypdyr. Häzirkizaman lukmançylyk ylmynda bu usul hassalyklara garşy goraýjy bejergi hökmünde maslahat berilýär.”
Dr. Halyk Nurbaky: “Oraza aýynda hususan-da gündiz naharlanylmaýandygy sebäpli bagyr iýmit ätiýaçlygyny döretmek işinde rahatlanýar. Şeýle rahat şertde, ýaşaýyş üçin zerur bolan globulinler taýýarlanýar. Munuň netijesinde-de bedeniň goranyş ulgamy güýçlenýär.”
Diňe bir aşgazana däl, ähli duýgulara we beden agzalaryna oraza tutdurmaly
Ynsan agzy bekli wagty bedeniň islendik islegdir meýillerini çäklendirip biler. Oraza tutan adam başbermezek nebsini jylawlap, ony Hak tagalanyň öňünde emre tabyn hala getirýär. Oraza tutan her kişi wyždanynda özleriniň, oraza tutmadyk günlerine garanyňda, has melekleşendigini – perişdeleşendigini duýýar.
Orazanyň ynsan durmuşyna we jemgyýetçilik durmuşyna birgiden oňyn täsiri bar. Alahyň razylygyny gazanmak maksady bilen agyz beklemegiň bedene dynç bermek we hassalyklara garşy goranmak ýaly peýdalary bilen bir sanda, onuň iň esasy gazandyrjak zady, ynsanda ruhy öwrülişikleriň bolup geçmegidir. Ynha şol öwrülişiklerden birnäçesi:
1. Oraza tutan adamyň Allahyň razylygyny gazanmak üçin agyz beklemäge eden niýetiniň Gün batýança dowam edýändigi üçin tutuş gündiziň dowamyndaky her sagady, her sekundy gadyrlydyr, bereketlidir. Gijesi-de ertirki ybadatlar we ertirki Günüň orazasyna niýet bilen bezelýändigi üçin aýratyn gymmatlydyr.
2. Oraza tutan adam ertirden agşama çenli iýip-içmezlik, jynsy arzuwlaryny çäklendirmek, gybat we zulumdan daşda durmak bilen göýä perişdeler mysaly durmuş ýaşaýar. Munuň tebigy netijesinde-de, jemgyýetdäki bidüzginçilikler azalýar, ahlak derejesi ýokarlanýar.
3. Dürli naz-nygmatlar içinde ýüzýän ynsan, agyz beklemek bilen olaryň gadyryna düşünýär, şükrüni berjaý etmäge çalyşýar.
4. Oraza ynsana tygşytly ýaşamagy öwredýär. Islän zadyny, aklyna öwsüşi ýaly, haram-halal parh goýmazdan, dogry-ýalňyş saýgarmazdan etmäge öwrenen kişi orazaly wagty, mejbury ýagdaýda olary etmez.
5. Ruhy taýdan beýgelmek isleýänler hökmany ýagdaýda oraza tutmaly. Has başgaça aýdanyňda, oraza tutmaýanlar jesetleriniň – fiziki bedenleriniň astynda ýegşerip ýaşarlar.
6. Nebsiň agyzdyryklanmagy, çäklendirilmegi nukdaýnazaryndan orazanyň ähmiýeti has hem uludyr. Adamyň özüne erk etmegi öwrenmeginde orazanyň aýratyn orny bardyr.
7. Oraza diňe bir aşgazany aç goýmak däl, eýsem ähli duýgulara; beden agzalarymyza – göze, gulaga, kalba, hyýala we ş.m. - da oraza tutdurmak, olary haramlardan daşda tutmak we her birini özüne mahsus ybadata ugrukdyrmakdyr. Şeýle niýet bilen oraza tutan adam hemişe halal ýaşar.
8. Oraza amanata (gizli ýa-da äşgär – tapawudy ýok) eýe çykmagy-da öwredýär. Çünki, ynsany Allahyň halal kylan nygmatlaryndan iýip-içmekden saklajak Onuň özünden başga gözegçi ýokdur. Oraza tutan adam, ertirden agşama Allahyň parz kylan amanatyna eýe çykdygy bolar.
9. Oraza wepa duýgusyna ýugrulan ajaýyp ybadatdyr. Çünki, oraza niýet etmek – guluň Allaha söz bermegidir. Orazaly adam belli wagta çenli nebsine hoş ýakýan zatlardan ýüz öwürýär, şeýle etmek bilen-de, Rebbine beren sözüne wepasyny subut edýär.
-
NB
13 years ago
- Durmuşdan lezzet almagyň ýoly
Remezan aýy çagalara we ýetginjeklere ýaşaýşyň manysyny bildirmek, duýdurmagyň iň mynasyp wagtydyr. Käbir çagalara we hususan-da ýetginjeklere ulularyň nesihatlaryny, ündewletini diňlemek ýaraman biler. Şonuň üçin terbiýäniň iň täsirlisi – görelde arkaly berilýän terbiýe hasaplanýar.
Ene-atanyň onlarça minutlap, käýarym-da sagatlap dowam edýän we perzendiň-de muny islese-islemese boýnuny büküp diňlemeli bolýan käýinçli, kemsidiji nesihatlarynyň ýerine ýaşlarda umyt dörediji, ýalňyşyndan sapak alyp, ilerde gaýtalamazlyga iteriji, berilýän ündewleri berjaý etmäge höwes dörediji usullar saýlanyp alynmaly.
Ybadatlar diňe şekilde galmaly däl. Bir maşgalada ene-ata aýry dünýäde, perzent özüniň özbaşdak dünýäsinde ýaşasa, ol öýde bagtyýarluk bolmaz. Ýaşuly nesil ýaş nesli terbiýelemegiň kämil usullaryny gözlemeli we şeýle usullardan ugur almaly. Meselem: Selälik we agzaçarda ähli maşgala agzalary bir supranyň başyna jem bolanda, oraza tutmagyň aç galmak diýmek däldigi, açlaryň halyny bilmek üçin bir sebäpdigi düşündirilmeli.
Bu günki iň esasy psihologik meselelerinden biri duýgularyna erk etmek, dürli arzuwdyr isleglerini çäklendirmek bolup durýar.
Ybadatlar ynsanyň özüne erk edip bilmek ukybyny ösdürýär. Oraza tutmak we beýleki ybadatlary mümin öz erki, saýlawy bilen ýerine ýetirýär. Ynsanyň öz erkine bagly bolmazdan eden hiç bir ybadaty makul görülmeýär. Allaha söýgi, Allahyň ryzasyny gazanmak duýgusy bolmazdan edilen ybadat ynsana ruhy lezzet, bermegiň ýerine, onuň rahatyny gaçyrýar. Bu sebäpden din we dini terbiýe gorkuzmak, zor ulanmak usullary ýerine, söýdürmek we ynsana öz erki bilen kabul etdirmek esasyna daýanýar.
Adamyň ömrüniň maksady “Ýaradana mynasyp gul bolmak bolsa, bu ony ruhy keselleriň iň esasy sebäplerinden biri bolan ýalňyzlyk duýgusyndan halas edýär. Ýaradanyň özüne barça zatdan ýakyndygyny, özüne ýardam edýändigini, medet berýändigini, älemdäki hiç bir hadysanyň hem ondan bidin bolmaýandygyny bilmek ynsanyň kynçylyklar garşysynda göreşmek üçin güýjüni artdyrar. Çagalara we ýetginjeklere edýän ybadatlarymyzyň olaryň özlerine we jemgyýete nämeler gazandyrýandygyny mähirli dilde düşündirmek möhümdir. Aslyýetinde, düşündirmekden has möhümi, olarda sorag soramaga, düşünmäge, öwrenmäge, bilmäge höwes döretmekdir.
-
dilya87
13 years ago
- Sagbol yslam,nb peýdaly zatlary ýazyp sogap i$ edipsiñiz. Alla razy bolsun sizden.
-
kapriz
13 years ago
- adamalar anyk hachan bashlaya oraza.menem tutasym gelya yone tutup bilemok orazany. yoluny ovredin manada
-
NB
13 years ago
- Ynsan durmuşynyň manysy
Ömrüniň manysyny kesgitlemedik adamyň ruhy hemişe ynjalyksyzdyr. Ruhy ynjalyksyz adam ýaşaýyşdan lezzet alyp bilmeýär. Munuň netijesinde-de, ynsan, ruhuny wagtlaýyn hem biynjalyk haldan halas etmek, ruhundaky şol boşlugy doldurmak üçin nämedir bir zatlar gözleýär. Harsydünýälik, garşy jynsa bolan aşa isleg, rahat we isripkär durmuşa höwes we ş.m. – bularyň hemmesi ynsanyň şol şowsuz gözlegi netijesinde tapan zatlary. Maksady bolmadyk adam, durmuşyň manysyny lezzet almak, keýp çekmek hasaplaýar. Bu köp kişiniň ruhundaky şol ynjalyksyzlygy — ynsabyň yzasyny unutmak üçin baş goşan “çäresi, çözgüdi” bolýar.
-
hallboy
13 years ago
- Yslam, NB, sizden minnetdardyrys.
SAG BOLun!!!
-
Cwetocek
13 years ago
- Kop kop minnetdar!!!
-
Batyr1986
13 years ago
- Yslam sag bol peydaly maglumatlaryňa.indem öziň bilen tanyşdyraysaň adyň, näme nirde okayaň, ya okadyň häzir nirde näme bolyp işleyäň giňişleyin. Yagny gowy tanysmak isleyan sen bilen
-
shahyr
13 years ago
- nb, yslam! gaty uzyn yazyanyz okamak kyn bolyar. Menin pikirimce bir girende ahli zady yazman her girende 1 paragrafdan yazybermeli. Shonda okalyar! Choregi dowup dowup bersen ansat bolya iymek, sindirmek.
-
hallboy
13 years ago
- Maña-ha bir bütin yazanlary gowumyka diyyän. Bolmasa aralaryna her himiñ yazan zatlary düsher. Onsoñ kinoñ arasyndaky reklamalar yaly bolar.
-
DidarFB
13 years ago
- sagbol yslam,nb gowy tema achypsyn.oraza tutjaklarynam orazasy kabul bolsun!
-
Nechka94
13 years ago
- Nb, yslam sagja bolun dosslar. Oraza hacanka bilyan yokmy yada indi belli bolmalymy.
-
yslam
13 years ago
- avgusdyn 11-ine bashlayar nesip bolsa
-
Nechka94
13 years ago
- Sag bol yslam.
-
yslam
13 years ago
nb, yslam! gaty uzyn yazyanyz okamak kyn bolyar. Menin pikirimce bir girende ahli zady yazman her girende 1 paragrafdan yazybermeli. Shonda okalyar! Choregi dowup dowup bersen ansat bolya iymek, sindirmek.
shahyr | 2010-07-18 01:55:06
onda-da okajak adam okarmyka oytyan.
-
Ayyuzli
13 years ago
- salam.tanryyalkasyn yazgylarynyz un.yslam,her gunki tutulyan orazan ayry-ayry,belli sogaplary bolmaly.doly yadymda dal.bar bolsa yazayyn.oraza tutmagyn wajyplygna yene bir gezek goz yetirerdik.
-
Ayyuzli
13 years ago
- yslam 10-na niyet etmeli-da onda ha?
-
Nechka94
13 years ago
- Yone yene birzat sol hata kop seredip otyrsan goz agyrya. Mena uzyn yazgylary ozime zor salyp zordan okayan gozim agyryp gitya. Asagyndaky hata gecemde gozim dync alya birhili rahatlayan.
-
Ayyuzli
13 years ago
- nechka,gowmy yagdaylan?
-
yslam
13 years ago
- salam! synanshayyn hany...
«Allaha kasam bolsun, orazalynyň agzynyň ysy kyýamat gününde müşk ysyndan has ýakymly bolar», (Buhary).
:Üç kişiniň dogasy ret edilmez:
1. Iftar edýänçä, orazalynyň,
2. Adalatly döwlet ýolbaşçysynyň,
3. Mazlumyň», (Tirmizi).
Bu mübärek aýda oraza tutmakdan başga Kuran okamak, sadakalar paýlamak, başgalara agyz açdyrmak ýaly salyh amallaryň hem sogabynyň gat-gat boljakdygy, Pygamberimiz tarapyndan bize habar berlipdir: «Kim bir orazala agyz açdyrsa, özüne onuň sogabyça sogap ýazylar. Üstesine agyz bekleýäniň sogabyndan hem hiç zat kemelmez», (Tirmizi, Ibn Maje), hadysy muňa mysaldyr.
-
Nechka94
13 years ago
- Salam gozel gyz mena gowyja senem gowyjamyn.
-
Ayyuzli
13 years ago
- hudaya shukur!
-
Ayyuzli
13 years ago
- iki jahan serweri,pygamberimiz sav sheyle buyuryar: ''sabyr ayy bolan remezanda we her ayda 3 gun oraza tutmak gursakdaky wahary yok edyar''
'wahar'arapca soz bolup,''kine,oyke,dushmancylyk,gazap,waswasa,hile,gaharlanma'' yaly manylary beryar.
-
NB
13 years ago
- A) Orazanyň farz bolmagynyň şertleri:
1. Musulman bolmak.
Remezanda yslama giren biri orazasyny şol gün tutup başlamalydyr. Onuň öňki günäleri örtüler. Allah Tagala şeýle buýurýar: «Käfirlere aýt, eger küfür etmeklerini bes etseler, ýagny, musul¬man bolsalar, olaryň öňki günäleri ötüler», (Enfal, 38).
2. Akyly ýerinde we bulug ýaşyna ýeten bolmak.
Çaga, dälä, serhoşa, çaşýan adama oraza tutmak bolmaýar. Hanefi, şafygy we hanbelilere görä, ýedi ýaşyna ýeten, oraza tutup biljek ýagdaýdaky çagada hem oraza tutmaga höwes döredilmegi makul görülýär. Bularyň orazalary sahyhdyr. Munuň maksady çagany oraza öwreniş¬dirmekdir.
Reme¬zan aýy¬nyň dowa¬mynda aky¬¬¬¬¬¬ly üýtgän kişi şol ýylyň orazasyny tutmaýar, soň kaza¬syny hem etmän bil¬ýär. Ýöne çaşmak ki¬şi¬niň eg¬nin¬den ybadat we kaza jogap¬kärçiligini aýyrmaýar. Çünki, çaş¬mak uzak wagta çek¬ýän kesel däldir. Ser¬hoşlyk hem çaşmak ýalydyr.
3. Oraza tutmaga güýji ýetmek we mukym bolmak
Hassa we ýolagça oraza tutmak farz däldir. Ýöne oraza tutsa, orazasy sahyhdyr. Eger oraza tutmasa, tutmadyk günlerini kaza etmelidir. Kurany Kerimde bu barada şeýle höküm bar:
«Belli günlerde oraza tutuň. Sizden biri hassa, ýa-da saparda bolsa, tutmadyk günleriniň sanyna deň oraza tutsun. Oraza tutmaga güýji ýetmedikler bir ýoksuly doýrup biljek fidýe bersin. Kim çyn ýürekden bir haýyr iş etse, ol özi üçin has haýyrlydyr. Eger bilseňiz, oraza tutmak siziň üçin has haýyrlydyr», (Bakara, 184).
Garrylyk sebäpli güýji ýetmeýäne, özi ýa-da çagasy zyýan görjek göwreli hem emdirýän aýala oraza tutmak farz däldir. Garry oraza ýerine fidýe bermeli, beýlekiler bolsa kazasyny tutmalydyr.
-
Ayyuzli
13 years ago
- pygamberimiz sav her ayyn 13,14,15 gunleri oraza tutmagy maslahat beripdir.munun bolsa,alymlar tarapyndan tassyklanan hikmetleri bar.
-
yslam
13 years ago
- yone 5-nji gun (Oraza ayndan bashga aylarda) agyz beklemek bolmayar oytyan
-
Ayyuzli
13 years ago
- dogry eger juma gunune gabat gelse tutulanok.jumada yerine yetirilyan sunnetler: oraza tutmaly dal,kop kop dileg etmeli,erkekler jemagat bn metjitde namaz okamaly, juma guni,yagny 5nji gun,yuwunmaly,arassa,ak geyinmeli,sadaka bermeli,'sejde' suresini okamaly...pygamberimiz sav taze eshik tikinse birinji gezek 5nji gun geyer eken.
-
samser
13 years ago
- Tnx 4 all...
-
Mumin
13 years ago
- hepdanin 1-nji we 4-nji gunleri agyz beklemikde gowy diyyaler.
Agyz achylanda ilki namazyny(agsham namazy) kylmalymy ya-da nahar iymelimi soragyna sheyle bir jogap eshidipdim, yone kimin aydyp gechenini doly yadyma dushenok
" NAmaz bashynda naharyn pikirini edeninden , nahar iyip otyrkan namazyn pikirini edenin gowy" diylipdir.
-
Nechka94
13 years ago
- Yslam egerde men agzymy beklap awaza gitsem nahili bolar. Men diyjek bolyan zadym awazada goz zynasy bolup biler diyjek bolyan.
-
yslam
13 years ago
Yslam egerde men agzymy beklap awaza gitsem nahili bolar. Men diyjek bolyan zadym awazada goz zynasy bolup biler diyjek bolyan.
Nechka94 | 2010-07-18 05:23:57
Orazany bozýan we bozmaýan zatlar
Oraza niýet edip tutmaga başlandan soň, ony tamamlamak mükellefe borçdur. Șonuň üçin meşrug bir sebäp bolmasa, başlanan orazany bozmak günädir. Çünki, Pygamberimiz şeýle buýrupdyr: «Sebäpsiz remezandan bir gün oraza tutmadyk kişi başga günlerde ömürboýy oraza tutsa-da, şol günüň borjuny doly ödäp bilmez», (Ibn Maje, Darimi, Ahmet b. Hanbel).
Orazanyň manysy: Allahyň razylygy üçin naharlanmak, lezzet we keýp almak ýaly işdä we şehwet duýgusyny kanagatlandyrýan zatlardan nebsi mahrum etmekdir. Bu gadaganlygy bozýan her bir amal, hereket orazanyň many we maksadyna tersdir. Iýip-içmek, jynsy gatnaşykda bolmak orazany bozýan zatlardyr. Bularyň käbiri kaza, käbiri bolsa hem kaza, hem keffarreti zerur edýär.
-
Nechka94
13 years ago
- Men pikirimce onda bolanokda yone men awazada agzymy beklejek goyjak diyemok.
-
ozik
13 years ago
- bu maglumatlary yazanynyz uchin hemmaniz kop sag bolun!
-
shahyr
13 years ago
onda-da okajak adam okarmyka oytyan.
Yslam, kicirak kicirak yazsan okamajagam okarmyka diyyan. Men mysal ucin. Mana gaty bolsa yadadyy gorunya, ozune cekmeya. tema gaty goshulshyp bilmeyan.
-
poseluy
13 years ago
- Köp køp sag bolun. Gaty gowy zatlar.
-
Broker
13 years ago
Salam dostlar.gowy zatlar yazypsyňyz, Orazadan öňürti BERAGAT gijesi bar. ony yatdan çykarmalyň. BERAGAT gijesi barada kim bilyän bolsa bilyanje zatlaryňyzdan yazayyňda
-
Broker
13 years ago
- Salam dostlar.gowy zatlar yazypsyňyz, Orazadan öňürti BERAGAT gijesi bar. ony yatdan çykarmalyň. BERAGAT gijesi barada kim bilyän bolsa bilyanje zatlaryňyzdan yazayyňda
-
Ayyuzli
13 years ago
- 26.07 de beragat kandili gutlanyanyn-a bilyan. Doly maglumaty nesip bolsa yslam,nb dagylar,bashga-da kim bilse yazar.
-
fistik
13 years ago
- salam yslam şeyle zatlary biz bilen paylşanyn üçin sagbol.sizin yazyan mowzuklarynyzyn hemmesi manyly.sagbol
-
NB
13 years ago
- Oraza jemgyýetde özara sylaşygy artdyrar
Ynsan Allahyň ilahi takdyry sebäpli, ijtimagy durmuşda ýaşaýan bir barlykdyr. Şeýle hem, jemgyýetde gul-hojaýyn, baý-garyp, sagat-hassa, ýaş-garry... garym-gatymdyr. Şeýle dürli gatlakda ýaşaýan ynsan durmuşda biri-birine, elbetde, mätäçdir. Adamlaryň biri-birine goldaw berip ýaşamagy gutulgysyzdyr. Mysal üçin, maddy taýdan hiç hili müşgili bolmadyk, näz- nygmatdan doly suprada iýip-içip, bolelin ýaşaýan, gurply baýyň açlyk, garyplyk, ýoksullyk gysajynda ýaşaýanlaryň hal-ýagdaýyna düşünmegi kyndyr. Oraza – baý kişiniň garyp adamyň halyna düşünmegine sebäp bolýan külli ybadatdyr. Bu nukdaýnazardan orazanyň ýerini tutup biljek başga ybadat ýokdur. Eger-de, baýyň rehim-şepagaty, adamkärçiligi ýitmedik bolsa, özi ýaly ynsan bolan garybyň derdine höwes bilen ýardam eder. Jemgyýetdäki synplar arasyndaky bähbitli gatnaşyk, birek-birege doganlyk goluny uzatmak düşünjesi saklanmadyk ýagdaýynda: garyplarda baýlara kine we göriplik, baýlarda bolsa garyplary äsgermezçilik, hakyny iýmek duýgulary ösýär. Bu bolsa jemgyýetiň asuda, parahat ösüşine howp salýar.
-
NB
13 years ago
- Teklip
Eziz ildeşler!
Bu gün Ýylgyryş günüňiz bolsun. Ertir irden turanyňyzda: “Her kime güler ýüz bilen ýüzlenerin” diýip özüňize söz beriň. Öýden çykanyňyzda ýanýoldaşyňyzdan we çagalaryňyzdan başlap, köçede duşan tanyşlaryňyza, iş ýeriňizde kärdeşleriňize mähirli ýylgyryp salam beriň.
Säher bilen öýden çykanyňyzdan, agşam dolanýançaňyz geçen wagtyň dowamynda hiç kimden ýylgyryşyňyzy gysganmaň. Muny-da Pygamberimiziň (s.a.w.): “Din doganyň ýüzüne ýylgyryp seretmegiň, seniň üçin sadakadyr” hadysyna esaslanyp, diňe bir gün bilen çäklendirmän, her gün ediň.
-
NB
13 years ago
- Chunki Pygamberimiz bu agyzdan dinge hak chykar diydi.
Eger isleseng yeke gun yokardaky teklibi barlap gor.
Shol gun sening dunyagarayshynh, saglygyng, erking, arzuwyng, umydyng, sang bolan garayyshlaryng, bagtyng akymyndan uly lezzet aljagynga shubhe yokdyr.
Ing bolmanda yeke gezek bir barlap gor, yone Pygamberimizing hadysyny yatlap barla.
-
Ayyuzli
13 years ago
- dogry nb.tanryyalkasyn.men-a shu gun nebsimi terbiyelejek diyip agzymy-da bekledm.alla kabul etsin ensh.yylgyrjak diyip eyleki temada bela galdym. :-)
-
NB
13 years ago
- Pygamberimiz(s.a.w) Remezan aýynyň soňky on gününe aýratyn ähmiýet beripdir
Gadyr gijesi, ol barada aýratyn bir sure inderilen (Kuranyň 97-nji suresi bolan Gadyr suresi) we Kuranda “mübärek gije” diýlip sypatlandyrylan gijedir.
Bu gijäniň Remezan aýyndadygy şüphesiz bolup, bu aýyň haýsy gijesidigi barada hiç hili takyk maglumat ýokdur.
Pygamberimiz (s.a.w) Remezanyň soňky on gününiň gijelerini ybadatu-tagat, doga-dileg bilen bereketlendiripdir.
Ebu Hüreýreden (Allah ondan razy bolsun!) rowaýat edilişine görä Pygamberimiz (s.a.w) şeýle diýipdir: “Kim Gadyr gijesinde (ýürekden) ynanyp we sogabyny Beýik Alladan garaşyp wagtyny ybadat bilen geçirse, geçmişdäki ähli günäleri bagyşlanar.” Allah Resuly başga bir gezek hem: “Gadyr gijesi maňa görkezildi, soňra ony unutdym, unutdyryldym. Ony soňky on gijäniň içersinde we täk bolanlaryndan gözläň” diýipdir. Pygamberimiz (s.a.w) başga bir hadysda-da Gadyr gijesiniň Remezan aýynyň soňky ýedi gijesinde gözlenilmegini isläpdir. Hawa, görlüşi ýaly, Kuranda we Hz Pygamberiň hadyslarynda Gadyr gijesiniň ähmiýetiniň üstünde durlup, musulmanlaryň bu gijäni röwşenlendirmegi islenilýär. Emma bu gijäniň haýsy gije bolandygy gizlenilipdir. Hezreti Pygamberimiz (s.a.w) muny “Gadyr gijesi maňa görkezildi , soňra ony unutdym - unutdyryldym” diýip aýdýar.
Gadyr gijesi ähli gijelerden hem haýyrlydyr. Bu barada Kuranda şeýle diýilýär: “Gadyr gijesi müň aýdan hem haýyrlydyr.” Ýagny, Gadyr gijesinde gije turup ybadat etmek, bu gijede haýyrly işler etmek içinde Gadyr gijesi ýok bolan müň aýdan hem has haýyrlydyr. Edil juma güni içersinde edilen doga-dilegleiň haýsy sagatda kabul boljagynyň we ynsanyň ýaşaýşynda başyna ölümiň haçan geljeginiň bilinmezliginiň hikmeti bolşy ýaly, Gadyr gijesiniň Remezan aýynda gizlenmeginiň hem, şübhesiz, bir hikmeti bardyr.
Hz Aýşe enemiz (Allah ondan razy bolsyn), bir gün söýgüli Pygamberimizden (s.a.w.): “Eý Allahyň Resuly, eger Gadyr gijesine duşsam, nähili doga-dileg edeýin?” diýip soranda, Pygamberimiz (s.a.w) oňa şu dogany öwredýär:
“Allahumme inneke affüwün tühibbül afwe wafu anni” (Eý Allahym, Sen bagyşlaýjysyň, bagyşlamagy söýýänsiň, meniň günälerimi hem bagyşla!)
-
NB
13 years ago
- Gadyr gijesi – gadyr bilyänleriň gijesi
Remezanyň 27-nji gijesi Gadyr gijesi hökmünde bellenilýär. Remezanyň 27-nji gijesi bu ýyl Sentyabr aýynyň 6-yndan 7-ine geçilýän gijä gabat gelýär.
Bu gije, mübärek gijeleriň iň belent mertebelisidir we “Gijeleriň Soltany” diýlip atlandyrylandyr. Jebraýyl aleýhisselam Muhammet sallallahu aleýhi weselleme ilkinji gezek Alak suresiniň “Ikra! — Oka!” buyrugy bilen başlaýan ilkinji bäş aýatyny bu gijede getirýär. Ýüz milliardlarça ynsana dünýä we ahyretde ýolbelet, ýol görkeziji hökmünde iberilen kitabyň ýer ýüzüne inen güni, elbetde, taýsyz gündür. Gadyr gijesiniň mukaddes, bereketli we esenlik gijesidigi barada Kurany Kerimde Gadyr suresinde şeýle diýilýär:
“Biz Kurany Gadyr gijesinde indirdik. Gadyr gijesiniň nämedigini bilýärmiň? Müň aýdan has haýyrlydyr Gadyr gijesi. Ol gije Rebbiň rugsady bilen Ruh we melekler (perişdeler) her dürli iş üçin iner durar... Eýýäm şol gije bir esenlik dowam eder.. tä daňa çenli. “
-
NB
13 years ago
- Şüküre öwrülen gussa
Bir baýram gijesidi. Ertirki güne taýýarlyk eýýämden başlanypdy. Baýramyň şat¬lykdyr tolgunjy häzirden duýulýardy. Oglanjyk hem ertirki Baýram gününiň şatlygyny şu günden ýaşa¬jyk kalbynda göterýärdi. Baýramyň öňüsyrasynda ulularda-da alada gatyşykly begenji görmek bolýandyr welin, baýramyň gelşine çagalaryň begenişi bir başgadyr. Çagalaryň baýram gijesinde göwün guşy ganat bekleýär. Kalplary daşgyn sil kibi möwç urýar. Baýrama sowgat diýlip alnan täzeje eşiklerini geýmäge, deň-duşlaryna görkezmäge howlugyp, daňyň atmagyna sabyrsyzlyk bilen garaşýar.
Ol hem çagady. Çagalyk müçesinde misli ýaş nahal kibi gün-günden ösüp, boý alýan, gün geçdigiçe akyly goýalyp, dünýagaraýşy giňe¬ýän, paýhasy artyp, ukypdyr başarnyk taýdan kämilleşýän ýeke dikrarydy ene-atasynyň. Emma... Emma onuň baýram¬da geýer ýaly täze egin-eşigi ýokdy. Aslyýetinde, egin-eşik juda bir möhümem däldi-le, wah, ýöne başybitin bir aýakgaby bolsa, nähili begenerdi. Gözlerine şol gije daň saz berýänçä uky gelmedi.
Sä¬her çagy Güneşiň altyn çoglary äpişgelere gerilen perdeleriň arasyndan jyklap, baýram gününiň başlanan-dygyny buşlanda, oglan¬jygyň entek hem gussaly gözlerini ýokary dikip, şol ýatyşydy. Ejesini-kakasyny gyssamaga-da haky ýokdy. Onsuz hem olar güzeranlaryny zordan dolaýar¬dylar. Elbetde, ellerinde bir zatlar bolsady, oňa hökman aýakgap alardylar.
Olar hem gamgyndylar. Aýratyn hem ejesiniň baýram¬dan birki gün öň kakasy bilen gürleşen wagty aýdan şu söz¬lerini hiç ýadyndan çykar¬mandy: “Iýmäliň, içmäliň welin, oguljygymyza bir aýakgap alalyň. Il-gün näme diýer?” Kakasy gündelik azyk-owkatlaryny-da kynlyk bilen gazanýandyklaryny ýatladan¬soň, biçäre zenan başyny egmek bilen oňaýypdy. Has soňra, ejesiniň aşhana geçip, sessiz aglaýyşyny hut öz gözi bilen görmänmidi?! Şonuň üçin olara-da artykmaç azaryny ýetiresi gelenokdy.
Gün ýerden naýza boýy gö¬terilip, tyl¬laýy şöhle¬leri da-ragtla¬ryň ýap¬rak¬laryna dü¬şüp, bi-rena¬ýy öwüş¬gün ber¬ýän wag¬ty oglanjyk göwünli-gö¬wünsiz ýorgandan çykdy. Turan wagty kakasy baýram namazyna gitmek üçin täret alyp ýördi. Ol hem ýeňja¬gazlaryny çermäp, taýýar¬lanmaga başlady. Kakasy oglunyň täret alşyny synlap, çalaja ýyl-gyrdy. Az sal¬ym soňra bilelikde öýden çyk¬dylar. Serçeleriň jürküldisi, gumrularyň şirin nagmasy hem onuň kalbyna çöken gussany ýeňlederden ejizdi. Mesjide golaý geldiler. Mina¬ralaryň çür depesindäki ses güýçlendiriji enjamdan ýaň¬lanyp eşidilýän wagyza gulak goýdy. Onda ruhy dünýäsine giňlik aralaşdyrýan gürrüňler aýdylýardy. Emma, dertli däl wagtlary täsiri has hem uly bolardy.
Şeýle pikirler bilen gümra bolup, kakasynyň elinden tutup mesjidiň howlusyna geleninde, mesjidiň basgan¬çaklary bilen ýokarky namaz okalýan ýere çykmaga çalyş¬ýan bir aýagy maýyp ýetginjege gözi düşdi. Birdenkä, onuň bütin durkuny näbelli bir duýgy gaplap aldy. Hopugan ýaly boldy. Ep-esli wagt ony synlap durdy. Bir aýagynyň dyzyndan aşagy maýyp ýetginjek kynlyk bilen basgançaklardan ýokary çykmaga çalyşýardy. Şeýle-de bolsa ýüzünde örän tebigy we kalbyňa ýylylyk çaýýan ýylgyryş bardy. Bu görnüş oglanjyga tutuş gijäni arzuwyny edip geçiren aýak¬gaplaryny ýatlatdy. Ol iki ýyl öň alnan, könelip giden aýakgaply aýaklaryna seretdi... ýaşajyk aňynda oýanan pelsepewi düşünjeler ony kanagat yklymynyň jadyly jümmüşüne çekdi: ol birnäçe günden bäri aýak¬gabynyň ýokdugy üçin gynan¬ýardy. Emma, ýüzünden nur ýagýan, töweregine mähir, ýylylyk, ýylgyryş paýlaýan şu ýetginjegiň bolsa tutuş aýagy ýokdy. Aýakgabynyň ýok¬dugy üçin gynanmagyň ýerine aýaklarynyň bardygy üçin şükür etmeli dälmidi?..
Indi ol gulagynyň düý¬bünde ýaňlanýan ýaly bolup dury we düşnükli eşdilýän wagyzy has oňat diňleýärdi. “Şükür ýa Rebbim, aýak¬larymyň abatlygy üçin müň şükür saňa!” diýip, ol uly begenç bilen mesjidiň basgan¬çak¬laryna gadam basdy.
-
yslam
13 years ago
- “Oraza perdedir. Biriňiz bir gün oraza tutanda, erbet söz diýmesin, gygyryp azgyrylmasyn! Biri özüne betgelşik söz aýtjak bolsa ýa-da uruşmakçy bolsa:”Men orazaly!” diýsin (we oňa ähmiýet bermesin)!”
“Hemme zadyň öz zekaty (tämizlenme usuly) bardyr, bedeniň zekaty(sadakasy) orazadyr! Oraza sabryň ýarysydyr!” (Ahmet b.Hanbel, 4/260)
-
yslam
13 years ago
- “Oraza tutanyň ukysy ybadat, dymmagy tesbih kabul ediler. Haýyr we ybadatlaryna birnäçe esse köp sogap beriler. Dilegi Allah tarapyndan kabul edilip, günäleri bagyşlanar!”
“Orazalynyň agzaçar wagty hökmany ýagdaýda kabul edilýän dilegi bardyr!”
-
yslam
13 years ago
- orazada edilyan niyet:
"Allahym! Seniň razylygyňy gazanmak üçin oraza tutdum, Saňa iman etdim, Seniň beren ryzkyň bilen agzaçar etdim. Saňa ynanyp bil bagladym. Ertirki oraza güni üçin hem, agyz beklemäge niýet etdim. Eý, lutuf we ykramy çäksiz bolan, Rabbim, indi meniň geçen we gelen günälerimi bagyşla!"
-
Cwetocek
13 years ago
- Yslam minnetdar!!!
-
domino
13 years ago
- allah razy bolsun sizden !!!
-
Bayja
13 years ago
- Alla razy bolsun yslam dini barada turkmen saydy bar bolsa aytsanyzlan yene name bilyan bolsanyz yazayyn yslam dini hakda
-
yslam
13 years ago
-
yslam
13 years ago
-
NB
13 years ago
- Oraza aýyna hormat
Entek çap ediş enjamlary oýlanyp tapylmanka şemiň ýagtysynda ýazylan kitaplaryň ählisinde diýen ýaly EDEP barada gürrüň edilýär.
Ol günki halk köpçüliginiň okan bu kitaplarynda edep meselesiniň asla ahmal edilmändigini, gaýra goýulmandygyny; atalarymyzyň EDEBE uly ähmiýet berendiklerini görýäris.
Dogry, “Edep” sözi haýsydyr bir parzy ýa-da sünneti berjaý etmegi aňlatman, eýsem jemgyýetiň urp-adatlaryna hormat goýmagy, şolara ters gelýän hereketlerden daş durmagy aňladýar. Ýöne, barybir, edep edepdir. Edebiň terki-de edepsizlikdir.
Belki-de şonuň üçindir:
Edep bir täç eken nur-y Hudadan,
Geý ol täji, gutul her bir beladan
— diýendirler.
Bu gün edepden, haýadan nesibini edinip bilmedik käbir adamlary görýäris. Olar şu mübärek Remezan güni köçede agzy bekli halkyň gözleriniň öňünde çilimlerini tütedişip ýörler. Diňe erk ejizligi, iman ejizligi bilen düşündirip boljak bu edepsizligi haýa duýgusyndan azat ýagdaýda, örän rahatlyk bilen edýärler.
Olaryň özlerinden sorasaň, öz erksizliklerine, iman ejizligine müň bir bahana taparlar; erkinlik we azatlyk, deňhukuklylyk barada leksiýa okarlar, özleriniň şeýle etmäge haklarynyň bardygyny nazarýetler we kanunlar esasynda subut etmäge çalşarlar. Remezan aýynda her kimiň oraza tutýan günlerinde köçede haýa duýgusyndan mahrum ýagdaýda çilimini tütedýän adam aşakda gürrüňi ediljek otparazça edep kadalaryna görä hereket eden däldir, otparazlaryň hormat goýşy ýaly öz musulman doganlaryna, ildeşlerine hormat goýan däldir.
Size şol otparazyň kyssasyny gürrüň bereýin.
Mübärek Remezan günlerinden birinde bir otparazyň ogly eline çörek alyp, köçä çykýar. Ony gören kakasy çaganyň golundan tutup, öýüne alyp barýarka, şeýle tabşyryk berýär:
¬- Oglum bu edýäniň aýypdyr. Musulmanlaryň agzy bekli. Dogry, biz otparaz, ýöne ýene-de orazaly musulmanlaryň gözleriniň öňünde çörek iýmek dogry däldir. Mundan soňra Remezan aýy çykýança iýjek zadyňy öýde iý...
Aradan esli wagt geçýär. Her pany barlyk ýaly, bir gün gelýär, oda çokunýan otparaz hem ölýär. Ol şäheriň ruhana adamlary otparazy düýşlerinde behiştde görýärler.Ondan:
- Sen otparazdyň. Allaha şirk goşýardyň - oda şokunýardyň; behişde nähili kabul edildiň? – diýip soraýarlar.
Ol şeýle jogap berýär:
- Rast aýdýarsyňyz, men bir otparazdym, yöne Ezraýyl janymy almaga gelende Allahutagala oňa:
- Bendämiň ruhuny kapyr halda alma, Men ony bagyşlaýaryn. Onuň iman etmegine pursat ber – diýip emir etdi. hem şol wagt “La ilahe illallah, Muhammedün Resulüllah” diýip iman etdim. Soňra amanadymy tabşyrdym. Meniň bu ylahy yhsana gowuşmagymyň sebäbi, Oraza aýynda bir gün çagamy agzy bekli musulmanlaryň gözüniň öňünde çörek iýmekden saklapdym. Allahutagala Ezraýyla:
- Ol meniň agzy bekli gullaryma hormat goýdy. Otparazdygyna garamazdan, olaryň gözüniň öňünde hiç zat iýmedi, başgalara-da iýdirmedi. Meniň Remezanyma hormat goýdy. Men hem şu pursatda oňa hormat edýän, dünýäden imanly gitmegini isleýän – diýip, maňa iman nesip edip, jennetine – behişdine aldy! – diýýär.
Hawa, bir otparaz musulmanlaryň orazasyna hormat edýär, bu hormatynyň sylagyna-da imana gelmek ýaly bibaha serpaý alýar.
- Eý özüni musulman saýýan, emma agyz beklemek parz kylnan döwürde, iliň gözüniň öňünde arkaýyn iýip-içip bilýän adam! Gel sen bu edepsizlikden, erksizlikden gaýtmyşym et. On ýaşly çagalaryň hem agzyny bekleýän şu mübärek günlerinde, eger şol bigünä çagalaryňkyça erkiň ýok bolsa, hiç bolmanda açykdan-açyga iýip-içmekden utan... Hiç bolmanda, bir otparazça edep we haýaň bolsun.
-
Goool
13 years ago
- tutjak orazalarymyz, okajak nazlarymyz kabul bolsun!
-
Goool
13 years ago
- namazlarymyz diyjek boldum
-
Crash
13 years ago
- kabul bolsun!!!
-
yslam
13 years ago
- Orazalar niýet ediljek wagty taýyndan iki görnüşe bölünýär:
a) Gijeden niýet edilmegi we bellenmegi şert bolan oraza
Bular: remezan orazasynyň kazasy, başlanan nafile orazasynyň kazasy, her hili keffaret orazalar we mutlak nezir, ýagny, güni anyk edilmedik nezir oraza.
Şeýle görnüşdäki orazalara gije ýa-da ikinji fejriň başlarynda niýet edilmegi şertdir. Şeýle hem bu orazalaryň haýsydygy niýetde anyk edilmelidir. Bularyň islendigi üçin fejirden soň niýet edilse ýa-da bulardan haýsysynyň tutuljagy anyk belli edilmese, bu oraza sahyh bolmaz. Çünki, bu orazalary tutmak üçin belli bir gün ýokdur. Bularyň haýsy gün tutuljakdygy diňe niýet bilen anyk edilýär.
Beýleki tarapdan, agşamdan şeýle orazadan birini niýet edinen kişiniň selällige turmagy niýet ýerine geçer. Ýöne ikinji fejirden soň, niýet edip, oraza tutmak jaýyz däldir. Eger tutulsa nafile bolar.
b) Gijeden niýetlenmek we bellemek şerti ýok orazalar
Bular: remezan orazasy, güni anyk edilen nezir oraza we nafile orazalarydyr. Şeýle orazalara niýetiň wagty, Gün ýaşandan ertesi gün zewal wagtyna çenlidir. Bu wagt aralygynda niýet etmek bolýar. Ýöne Gün ýaşmazyndan öň, ýa-da istiwa wagtynda (Gün dik depedekä), ýa-da öýle wagtyndan agşama çenli aralykda hiç bir oraza niýet edilmeýär.
Istiwa wagtyna çenli aralykda niýet etmek üçin, ikinji fejirden soň iýmek-içmek ýaly orazany bozýan hallardan saklanmak gerekdir. Eger bilgeşleýin, ýa-da säwlik bilen orazany bozýan bir amal edilse, niýet etmek dürs däldir.
Zewaldan öň nafile orazasyny niýet etmegiň dürsdügini görkezýän hadysy şerifler bardyr:
Pygamberimiz bir gün hz. Aişeden «Öýle nahary barmy?» diýip soraýar. Hezreti Aişeden naharyň ýokdugyny eşiden Pygamber Serwerimiz: «Onda, men oraza tutýaryn» diýip, oraza niýet edýär, (Darekutni).
Şafygylara görä, remezanda farz oraza üçin ýa-da beýleki wagtlarda kaza we nezir orazalary üçin gijeden niýetlenmek şertdir. Ýöne nafile orazasy üçin zewal wagtyna çenli niýetlenseň bolýar.
cheshme: onki yazgylardan alnan
-
samat
12 years ago
- belki unudanlar ýa anyk bilmeýänler bardyr
-
Nechka94
12 years ago
- sag bol samat taryhy yatladanyna bah eyyam shu hatlary yazyshanymyza 1 yyl boldyma. Wagt gaty chalt gechya.
yslam 13 years ago- Orazanyň hökümi
Oraza tutmak yslamyň bäş esasyndan biridir. Oraza hijretiň ikinji ýyly, şaban (meret) aýynyň onunjy güni Medinede farz edilýär. Munuň farzlygy Kitaba, sünnete we ijmaga esaslanýar. Kurany Kerimde şeýle buýrulýar:
«Eý, iman getirenler! Siz takwa bolarsyňyz diýip, Sizden ozalky ymmatlara farz edilişi ýaly, size hem oraza tutmak farz edildi», (Bakara, 183).
Oraza hem namaz ýaly, beden bilen amal edilýän ybadatdyr. Bu ybadatyň iň esasy aýratynlygy: ynsany erbetlikden saklamagy, nebsiň dürli ham-hyýallaryny jylawlamagydyr. Hadysy şerifde: «Oraza bir galkandyr. Orazaly kişi jahyllyk edip, erbet sözi aýtmasyn. Özi bilen uruşmak, käýişmek, yrsarap azar bermek isleýän kişä: «Men orazaly» diýsin», (Buhary, Müslim) diýip ündelýär. Başga bir hadysda: «Kim ynanyp, sogabyny Allahdan tama edip, remezan orazasyny tutsa, öňki günäleri bagyşlanar», (Buhary) diýilýär.
Oraza ynsany erbet meýillerden saklaýandygy üçin, Resulullah Serwerimiz öýlenmedik ýaşlara şehewi (jynsy) duýgularyň azaryndan goranmak üçin, oraza tutmagy maslahat beripdir. Orazanyň şehewi duýgularyň öňüni alýandygyny häzirki döwürde ylym hem tassyk edýär.
Oraza aýy gelende, jemgyýetde günä işleriň derejesi peselýär, erbetlik azalýar. Muňa derek haýyr-hasenat köpelip, adamlaryň arasynda biri-biri bilen ysnyşykly gatnaşyklar döreýär. Özara arkalaşyk artýar. Orazanyň bu täsiriniň asyl sebäbini Pygamberimiz şu hadysy şerifinde beýan edýär: «Oraza aýy gelende, jennet gapylary açylyp, dowzahyň gapylary ýapylýar we şeýtanlaryň ählisi zynjyrlanýar», (Buhary, Müslim).
Orazanyň Allah dergähinde gadyr-gymmatynyň örän beýikdigi bir kudsy hadysda şeýle beýan edilýär: «Ynsan oglunyň amal eden her haýrynda we ybadatynda özi üçin lezzet we bähbit gazanmak endişesi bardyr. Emma oraza beýle däldir. Oraza diňe Meniň razylygym üçin edilýän ybadatdyr. Onuň sylag-serpaýyny hem Men bererin», (Müslim, Nesaýy).
Başga bir kudsy hadysda bolsa, şeýle ündew bar: «Her ýagşy amala on esseden ýedi ýüz essä çenli sogap bardyr. Ýöne orazanyň sogaby bu ölçegden has ýokarydyr. Çünki, ol Meniň üçindir. Onuň sylagyny diňe Men bererin», (Tirmizi). Bu hadysa görä, her haýyr we ybadat üçin on haseneden (ýagşylyk) ýedi ýüz hasenä çenli sogap berilýär. Ýöne oraza üçin sogabyň mukdary çäklendirilmändir. Onuň sylagyny bellemekligi Allah Tagala perişdelerine tabşyrman, hut öz Zaty Akdesinde saklapdyr. Șol sebäpli, mü’minler tutan orazalary üçin, kyýamat güni garaşylmaýan mukdardaky uly sogaplary alar. Resuly Ekrem muňa şeýle yşarat edýär: «...Orazalynyň iki begenji bardyr. Biri iftar wagtynda – agzyny açandaky begenji, beýlekisi bolsa, Rabbine gowşan wagty oraza sylagy bilen sylaglanan pursatyndaky begenjidir», (Buhary, Müslim).