UEFA-nyñ klublar boýunça geçirýän iki uly bäsleshiginde çärýek finalyñ jogap dushushyklaryndan soñ ýarym finala çykan toparlar aýan boldy. Aslynda çärýek finalyñ jogap oýunlarynda ýaryshy dowam etdirjek klublar belli bolupdy. Jogap oýunlarynda-da üýtgän zat bolmady. Çempionlar Ligasy 1-nji oýunlary hasaba alanyñda goly azrak boldy. UEFA Yewropa ligasynyñ çärýek finalynyñ jogap oýunlarynda welin, az pökgi geçirilmedi. Birinji oýunda 5-1 hasabynda utan "Barcelona" myhmançylykda "Shahtýory" Lionel Messiniñ ýeke-täk goly esasynda utup, ýarym finala adyny ýazdyrdy. Bu pökgi Messiniñ shu ýylky geçiren 48-nji goly hökmünde hasaba alyndy. "Barcanyñ" ýarym finaldaky garshydashyny kesgitleýän oýunda "Real Madrid" "Tottenhamy" 1-0 hasabynda ýeñip, ýaryshy dowam etdirmäge hukuk gazandy. Ilkinji oýunda garshydashyny 4-0 hasabynda utan "Reala" ýeñish getiren goly 50-nji minutda Kristiano Ronaldo uzak aralykdan urup tora saldy. Bir hepde öñki birinji oýunda garashylmadyk ýagdaýda uly hasap bilen "Salkeden" utulan soñky çempion "Inter" Gelsenkirhende-de ýeñlish sezewar boldy. Oýnuñ 45-nji minutynda Raul bu ligadaky 71-nji goluny tora saldy. Soñra Motta hasaby deñlänem bolsa, 81-nji minutda Howedes "Shalkä" ýeñish getiren pokgini öz adyna ýazdyrdy. Tapgyryñ esasy oýny Angliýada bolup, "Mançester Ýunaýted" "Çelsini" kabul etdi. Myhmanlaryñ hüjümleri bilen bashlan oýunda Hernandes 43-nji minutda "Mankunianlary" öñe saýlady. 70-nji minutda bir oýunçysy (Ramires) gyzyl petek alan "Çelsi" 77-nji minutda Drogba hasaby deñläp, toparyny az-owlak umytlandyrdy. Ýöne dessine oýna bashlan "Ýunaýted" 77-minut dolmanka Zi Sung Park bilen ýene öñe saýlandy. Öýun sheýle hasap bilenem tamamlandy. Abramowiç bolsa Çempionlar ligasynyñ kubogyny eýelemek arzuwyny indiki ýyla goýmaly boldy. Ýarym finalda: Real Madrid-Barcelona 27-nji aprel, 3-nji maý. Shalke-Mançester Ýunaýted 26-njy aprel, 4-nji maý günleri dushusharlar. 1-nji oýunlar 26-27-nji aprelde, jogap oýunlary bolsa 3-4-nji maýda geçiriler. Ýeri gelende aýtsak, 2002-nji ýylda-da shuña meñzesh ýarym final oýunlary bolupdy. Ýöne bu gezek shol ýyldakydan üýtgeshiklikde "Baýeriñ" ornuna "Shalke" çykysh eder. Shol ýyl "Real" "Barcadan" üstün çykyp, finala çykypdy. "Mançester Ýunaýtedem" garshydashy "Baýerden" garashylmadyk ýagdaýda asgyn gelipdi. Glazgodaky finalda "Real" Zidanyñ owadan gol geçiren oýnunda "Baýeri" 2-1 hasabynda utupdy. Belki, taryh ýene-de gaýtalanyp biler. (Zaman)