Gaýgy-gama eziz köňlüm solduryp, Şum pelek azabym reýgan eýledi, Ýazan kitaplarym sile aldyryp, Gözlerim yzynda girýan eýledi. Gapyllykda duşman aldy daşymyz, Dargatdy her ýana deňi-duşymyz Bäş ýylda bir kitap eden işimiz- Gyzylbaşlar alyp, weýran eýledi. Birnäçämiz goly bagly gul bolup Niçeler yzynda sargaryp solup Kimi berip, anyň bahasyn alyp Her kime bir belli baha eýledi Şum pelek birehim, maňa bildirdi Aglamakdan gül ýüzlerim soldurdy Golýazma kitabym sile aldyryp Duşmanymy Jeýhun derýa eýledi Niçeler dünýäde boldy bir kişi, Niçäniň agzyny doldyrmaz aşy Niçäniň matamdan gutulmaz başy Gije-gündiz weweýleta eýledi Köýdürer şum pelek zulmy-jepasy Ýalandyr, ynanmaň, ähdi-wepasy Magtymguly, ýok bu sözüň hatasy, Pelek elip kyddym duta eýledi.
Reýgan eýledi
-
Harmandali
16 years ago
- “Bular gelmedi”
Geçi-gony birle gitdi Abdylla,
Hemme giden geldi, bular gelmedi,
Mämmetsapa gitdi kömek bermäge,
Uzadanlar geldi, bular gelmedi.
Enesinden aýra ýatmaz oglanlar,
Ýa, reb, gören barmy bulardan, iller,
Aýlanybam aýlar, dolanyp ýyllar,
Aýlar, ýyllar geldi, bular gelmedi.
Hassadan sagaldy zäher dadanlar,
Inji alyp geldi goýun güýdenler,
Alty aýlyk ýola – Käbä gidenler,
Hajy bolup geldi, bular gelmedi.
Yrakdan, ýakyndan baryp gelenler,
Barmydyr bulardan görüp, bilenler,
Hindistana bezirgenlik kylanlar,
Malyn satyp geldi, bular gelmedi.
Darydy bir doly, ýolykdy baran,
Birin ýurdy bilen eýledi weýran,
Birisiniň ýary yzynda haýran,
Gözleri ýoldadyr, bular gelmedi,
Ýykylanyň bagry ýerden galmazmyş,
Hiç baran gelmezmi, aglan gülmezmi,
Ötenden, geçenden sorsaň bilmezmi,
Bilinmezler geldi, bular gelmedi.
Magtymguly, derdi goýmaz ýatmaga,
Ugrun bilmen soraý-soraý gitmäge,
Ýerden jogap çykmaz habat tutmaga,
Gören-bilen barmy, bular gelmedi.
-
Feya
16 years ago
- hazir ol dost sahypadan agamyn yazanlaryny ogurlapjyk goyaryn :) eyy menden birinji alayman :)
-
Harmandali
16 years ago
- “turkmenin” diyen goshgysyny bilyan barmay?! Men ony tapmadym chala yadyma dushen yerini yazayyn.
Jeýhun bilen Bahry Hazar arasy
Çöz üstünde öwser ýeli Türkmeniň
Gül-gunçasy gara gözüm garasy
Gara dagdan iner sili Türkmeniň
Hak sylamyş bardyr onyň saýasy
Çyrpynşar çölünde neri maýasy
Reňbe-reň gül açar ýaşyl ýaýlasy
Gark bolmyş reýhany sili Türkmeniň
(ýalňyşrak bolmagam ahmal)
-
Harmandali
16 years ago
- “Don bolsa”
Ten ýapmaga köýnek istär ýalaňaç,
Köýnekli diýr: wah, üstünden don bolsa!
Bäş pul diýip, hakdan dilär garny aç,
Bäşin tapsa, arzuw eder - on bolsa!
Ol ýigit ki çeke-çeke hasraty,
Saparlyk ýüklärge bolsa döwleti,
Ýany birle tapsa ýaragy-aty,
Ýene diýr ki: mugt, tükenmez nan bolsa!
Köp nan tapyp, eger bolsa köňli şat,
Gyz-gözelden mahbup istär hem öwlat,
Bu döwleti peýda etse adamzat
Köňli istär, beýik şähre han bolsa!
Hem han bolsa, hem dünýäsi taý bolsa,
Hem ölmese hem esbaby şaý bolsa,
Hem bermese, hem çüýrünmez baý bolsa,
Ýagşy ady hem dünýäde dan bolsa!
Magtymguly, görüp duşman tagnasyn,
Mert oldur, şat tuta gamdan synasyn,
Ýer ýüzi doldurmaz gözüň hanasy,
Karun kimin niçe gaznaň kän bolsa!
Şu ýerlerde gara bilen ýazylan söz düşünmedim bilýän bolsaňyz aýdaýyň!
-
Harmandali
16 years ago
- Menden bashga yazyanam yokmay?! Okayan bir barmy?! Okamasanyz yazjakdal how!!!!!
Durasyň geler
Gözel bardyr, gözellerden zyýada,
Anyň hyzmatynda durasyň geler;
Edepli, erkanly, mylaýymzada,
Tä ölinçäň bile ýöresiň geler.
Gözel bardyr, uzyn boýly, alkymy –
Garaňky gijede düşer ýalkymy,
Sözlegen sözleri misli bal kimi,
Ýaňagyndan posa alasyň geler.
Gözel bardyr, günde-günde görmeli,
Şol gözeliň syýa zülpün örmeli,
Döküp, hazynanyň zerin bermeli,
Anyň söwdasynda bolasyň geler.
Bagzy gözel sirkä basdyr saçyny,
Artmaz, ýuwmaz, tabagyny, daşyny,
Sylamaz atasyn, ene, ýaşyny,
Anyň hyzmatyndan gaçasyň geler.
Gözel bardyr, ak kagyz dek bilegi,
Jan içinde bile bolar ýüregi,
Şeýle gözel mert ýigidiň geregi,
Ne hajat istese, beresiň geler.
Magtymguly, syn gerekdir gözele,
Her ne kysmat bolsa, tartar ezele,
Dünýä malyn harç et ýagşy gözele,
Ýamanyň ýanyndan gaçasyň geler.
-
Harmandali
16 years ago
- “Aýryldym”
Bilbilem, ahy-zar çekip,
Täze gülzardan aýryldym.
Gözden ganly ýaşym döküp,
Ol söwer ýardan aýryldym.
Ýara ýaraşar sürmeçe
Sypatyn söýlärem ança,
Lebi şeker, agzy gunça,
Zülpi garadan aýryldym.
Şirin janda ýokdyr takat,
Jebri anyň jana rahat,
Gaşlary pitneýi-apat,
Çeşmi hunhordan aýryldym
Aýryldym gunça-gülümden,
Syýa saçy sünbülimden
Hoş owazly bilbilimden,
Şirin güftardan aýryldym
Däli köňlüm arzymany,
Külli gözelleriň hany,
Sekiz jennetiü bostany,
Bakjaly bagdan aýryldym
Illeri bar diňli-diňli,
Sowuk suwly, ter öleňli
Ili-gökleň, ady – Meňli
Näzli dildardan aýryldym
Magtymguly, aşyk mestan,
Bagladym şanyňa destan,
Menzilgähi bagu bostan
Almaly nardan aýryldym.
Kinosynda şu goşgyny zynnandan gaçyp gelende Meňlini başga birine berenlerini eşden wagty aýd
-
diwana
16 years ago
- mahbub=soyguli.
magtymgulynyn romanynyn, kinosunyn hakykat bilen nacerak baglanyshygy barka? kino shol romanyn filmleshdirilen haly, yalnyshmayan bolsam. romanam yazyjynyn magtymgulyn goshgularyny okap goz onune getiribilen we ozunden goyan zatlary. magtymguly hakda taryhy delilli maglumat barmyka?
men magtymgulyny ozum ucin ussat hokmunde goryan. diline bek bolmaly, agzyna geleni geplap durmaly dal, yone men magtymguly bilen bir dowurde yashan bolsam onun hyzmatcysy bolmagy yuregim bilen kabul ederdim.
yone kabir goshgulary natsenem men magtymgulynyn stiline menzedip bilemok. kabir goshgularyn onunky daldigine ynanyan, emma subut etmage elimde zat yok. oz pikirlerimi aytsamam ol subut dal, belki men yaly pikir edyanler tassyklar dine. okuwy gutaramson magtymguly hakda gyzyklanmak niyetim bar. sheydip ozum bir netija gelmesem men olyancam ynanjak dal kabir goshgularyn onkudygyna. onun durmushynyn taryhy gerek mana, ing bolmanda dogry \"kronolojik\" taryhy. bolmasa herkim oz dushunishice many chykarybermeli. kinodaky onun dine menla ashyk bolan tarapynyn gereginden artyk ulaldylyp suratlandyrlyshy yaly. kino biderek.
-
Harmandali
16 years ago
- Yok kino biderek dal! MAgtymgulyn 50 yashynda-da Menla bagyshlap yazan goshgylary bar. Yone kinosynda Menlini bashga birine beryaler a Magtymgulyn goshgysyna seredende Menli yitya. Mende shu wagt Magtymgulyn omri hakda kitap bar okap bolanymdan son yzarn shu yerik.
Zelilin nebereleri shu wagdam yashap yor Magtymgulynkylar boldygy bolya shol elim degse yazarn.
Kinosy Alty Garlyewyn kinosy has romantik eden bolmagy ahmal yone dine Menla bolan soygusi yok ol yerde Watana bolan soygusinem kop gorkezya oynayan artistam Hommat Mulluk diyyalermi namemi.
-
Harmandali
16 years ago
- Diwana sheyle wersiyalar bar. Magtymgulyn Menli diyyani Pygamber bolmagy ahmal diyyaler sebabi onam arkasynda men bolupdyrmyshyn. Yone men shun bilen ylalashamok sebabi ol gyz hakda aydya goshgylaryna uns bersen. Yone ona ynananoklar shonun yaly meshgur adam bir gyzyn ugrunda sheyle koyup yorermi diyyaler. Mena ynanyan ol kim bolanynda-da adam yuregi bar.
2-nji wersiya. Gyzyn ady menli dal-de shol gyzda men bar bolany uchin Menli diyip yuzlenyandir diyyaler. Sebabi ol dowurde birinin gezip yoren gyzyna bagyshlap goshgy duzup beydip yorse onda halananok hemem ayyp hasaplanylya. Men shun bilenem biraz ylalashamok sebabi goshgysynda ol “Ili goklen, ady –Menli” diyya eyyam ol shol gyzyn adynyn Menlidigini anladya.
3- nji wersiya :)) Men in ynanyanym. Magtymguly bir oban meshgur adamygaty bir garybam yashap barmandyra kynyrak yashasa hem hemem oban sylanyan adamy diyjek bolyany Menlini bashga birine bermage kan sebap yok. Ol Menla oylenipdir diyip chaklayalar sebabi bir goshgysynda “Menli hanym” diyip yuzlenya.
Menli hanym golun dishlap
Bizden ki uyat eyleyir
Ka daranyp uz yorishlap
Bizden ki uyat eyleyir.
Hanym diyip bolsa ayala aydylya ol birinin ayalyna bizden utanya diyesi yoga?! Ozem oz ayaly bolmasa birinin gezip yoren gyzyna beyle diymeza! Bashgada Menlini yitirenligi barada, gaydyp ondan habar bolmanlygy barada yazylan setirleri bar. Ona bolsa sheyle pikir edyaler. Menli owadan gyz bolupdyr shol zerarly on hyrydary kan eken shonun uchin hem ony alyp gachyalar yone kimin alyp gachany beli dal. Magtymguly ona oyleneninden son alyp gachyalar. Goshgylarynyn birinde orschasyny okadym “dla shaha ukrali Menli” diyip bardy. Ol Menlini kop gozleya goshgylaryndan chaklasan.
-
Harmandali
16 years ago
- 50 ýaşynda ýazan goşgysy. Şol ýaşda hem oň gözlegne çykmak umydy bilen diýip aýdýalar.
Nesip tartyp biz hem düşsek ýollara
Diýiň iller bolsun bizge rowana.
Nuh goldaýyp girer bolsak sillere
Pata beriň nazar tutup ummana
Goja daglar serin egip ötürse
Saba gelip, arzym ýara ýetirse
Yza dönüp, ýar jogabyn getirse
Höwes bilen ismin ýazsam dessana
Gojalykdan köňlüm laýa batypdyr
Pelek oýnap ykbalymny satypdyr
Gözün ýumup elli okun atypdyr
Gelip orun tapyp girmiş bu jana
Mežnun menem Meňli hanyň odunda
Ýanyp-köýsem ýokdyr onuň ýanynda
Perhat- Şirin, Zöhre-Tahyr adynda,
Taglym alyp, boldym men hem perwana,
Hindi hallar gül ýüzünde jugradyr
Zar eýleýip, çeken ahym nagradyr
Hijran wasyl, jigerimni dogradyr,
Owazasy dolup onuň Eýrana
Magtymguly unutmagyn iliňňi
Uzyn ýaly gysgaldawer tiliňni!
Ýol ýörer men diýseň, bagla biliňni
Bezirgenler gider Mazanderana!
Ýöne Magtymgulyň ene hakda ýazan goşgysyna duş gelmedim!! Oň ejesi entek ol çaga wagty ýogalypdyr weli şonda-da ene hakda ýazsada bolardy.
-
Harmandali
16 years ago
- Gyyyywwww Diwana sen nira yitrim boldynay?!
Mumkin kabir goshgylar Magtymgulynky daldir. Sebabi kitaplarda okasan ashagyndan “kabir golyazmalarda shu goshgy Magrupynky diyip gabat gelya” diyip yazylyan yerlerem bolya. Hawalay bar zatlar chaklama. Ol hakda belki zat kopdur yone SSSR dowru barlag edilen zatlar bolanson kan turkmenin doredijiligine uns berilmandir shol zerarly kop zadyn yitip giden bolmagy ahmal. Yogsam 1733 yyl gaty bir uzagam dal ondan nache yyl on bolan zatlary jikme-jik aydyp otyrlar dashary yurtlan alymlary bizinkinin bolsa kan ugruna chykyan yok. In gynanchly yeri hem shol. Hazirem gich daldir ayaga galsalar.
Hany onda sen bir okuwyny gutaryp ayaga gal belki senden bir zatlar chykar :))) Belki kitapjyk gayry yazarsyn alyp okars. Menem gyzyklanyan shon omri hakda.
Men in ichimin yanyan yerem onun jaylanan yerinin serhetden anyrda galanlygy. Shol yerler bizinki bolmaly.
-
Harmandali
16 years ago
- Diýdi: “Habar ýok sizden”
Diýdim: “Pelek, sowal bar”. Diýdi: “Adalat bizden”.
Diýdim: “Dünýä giň olar”. Diýdi: “Habar ýok bizden”.
Diýdim: “Ol ne don erer?”. Diýdi: “Köpendir biýzden”
Diýdim: “Tende ýaram bar”. Diýdi: “Gizläp gez gözden”
Diýdim: “Yşka diwana”.
Diýdi: “Ýüz tut permana”.
Diýdim ki: “Ne permandyr?”. Diýdi: “Geldi Tebrizden”.
Diýdim: “Ne çarh aýlanýar?” Diýdi: “Dünýä ýelidir”.
Diýdim: “Adam ne gülmez?” Diýdi: “Janly ölüdir”.
Diýdim: “Ol ne egrelmez?” Diýdi: “Yslam ýoludyr”
Diýdim: “Aldym permany”.
Diýdi: “Ýüz tut Kurana”.
Diýdim: “Ol ne gapysyz?” Diýdi: “Şeýtan pälidir”
Diýdim: “Ol ne şäherdir?” Diýdi ki: “Ýalan jahan”
Diýdim: “Kimler şa erur?” Diýdi: “Gury jeset, jan”
Diýdim: “Ol kim aglaýyr?” Diýdi: “Ulug Süleýman”
Diýdim: “Hak ne isteýir?” Diýdi: “Bagda gül-reýhan”
Diýdim: “Bagban aglaýyr”
Diýdi: “Bagryn daglaýyr”
Diýdim ki: “Alaç eýle!” Diýdi: “Lukman ezizden”.
Diýdim: “Bir gözel gördüm” Diýdi: “Mahy-tabyndyr”
Diýdim: “Kimse jan bermez?” Diýdi: “Bir hak amandyr”
Diýdim: “Kim sürer jahan” Diýdi: “Şa hökmi-rowan”
Diýdim: “Perzent öledir” Diýdi: “Haka rowadyr”
Diýdim: “Bizge ýetirgil”
Diýdi: “Hak diýp otyrgyl!”
Diýdim: “Kimde ýok uýat?” Diýdi: “Juwanda-gyzda”
Diýdim: “Pyragy ismim” Diýdi: “Pyrkat çeke sen”
Diýdim: “Gol-aýak ysmaz” Diýdi: “Daglar çyka sen”
Diýdim: “Namart ozadyr” Diýdi: “Mar, sen çyka sen”
Diýdim: “Gitdi agmalym” Diýdi: “Garryp çöke sen”
Diýdim: “Haka arzym bar”
Diýdi: “ Oldur saňa ýar”
Diýdim: “Gyşym geçedir” Diýdi: “Habar al güýzden”.
-
Maxat
16 years ago
- Jeýhun bilen bahry-Hazar arasy,
Çöl üstünden öser ýeli türkmeniň;
Gül-gunçasy – gara gözüm garasy,
Gara dagdan iner sili türkmeniň.
Hak sylamyş bardyr onuň saýasy,
Çyrpynşar çölünde neri, maýasy,
Reňbe-reň gül açar ýaşyl ýaýlasy,
Gark bolmuş reýhana çöli türkmeniň.
Al-ýaşyl bürenip çykar perisi,
Kükeýip bark urar anbaryň ysy,
Beg, töre, aksakal ýurduň eýesi,
Küren tutar gözel ili türkmeniň.
Ol merdiň ogludyr, mertdir pederi,
Görogly gardaşy, serhoşdyr seri,
Dagda, düzde kowsa, saýýatlar diri
Ala bilmez, ýolbars ogly türkmeniň.
Köňüller, ýürekler bir bolup başlar,
Tartsa ýygyn, erär topraklar-daşlar,
Bir suprada taýýar kylynsa aşlar,
Göteriler ol ykbaly türkmeniň.
Köňül howalanar ata çykanda,
Daglar lagla döner gyýa bakanda,
Bal getirer, joşup derýa akanda,
Bent tutdurmaz, gelse sili türkmeniň.
Gapyl galmaz, döwüş güni har olmaz,
Gargyşa, nazara giriftar olmaz,
Bilbilden aýrylyp, solup, saralmaz,
Daýym anbar saçar güli türkmeniň.
Tireler gardaşdyr, urug ýarydyr,
Ykballar ters gelmez hakyň nurudyr,
Mertler ata çyksa, söweş sarydyr,
Ýow üstüne ýörär ýoly türkmeniň.
Serhoş bolup çykar, jiger daglanmaz,
Daşlary syndyrar, ýoly baglanmaz,
Gözüm gaýra düşmez köňül eglenmez,
Magtymguly – sözlär tili türkmeniň.
-
Harmandali
16 years ago
- Ahyrzaman bolar
Eý ýaranlar, musulmanlar,
Bir gün ahyrzaman bolar,
Ölenden öň köp nyşanlar
Ýeriň ýüzünde kän bolar
Adalatsyz bolar hanlar
Bihaýa bolar zenanlar,
Köp döküler nahak ganlar,
Iliň päli ýaman bolar.
Pisat iş köp bolar, az bolmaz
Bu öý ol öýe saz bolmaz,
Ýagmyrlar ýagar, ýaz bolmaz
Bir gün bady-hazan bolar.
Hile eýlär, tapar ýollar,
Süýthorlukdan ýygyr mallar,
Din ýolyny taşlap iller,
Ne mektep, ne azan bolar.
Namaz goýar, sözlär ýalan,
Ata-enä asy bolan,
Çakyr içip, zyna kylan,
Azaby müň elwan bolar.
Elin tut Taňry dostunyň,
Asy bolma, sakla diniň,
Enşalla, Magtymgulynyň
Din ýoldaşy iman bolar.
Malyna degmez
Baýlar bardyr, garyplara rehm eýlär,
Bardyr baýlar, dünýä malyna degmez
Gözel bardyr, dünýä malyn harç etseň
Bardyr gözel, iýen nanyna degmez
Dünýäde bahylyň ýüzüni görme,
Aş bilen nanyňy alyşyp berme,
Gul diýip, ýigidiň aslyny sorma,
Hojasy bar, belki, guluna degmez,
Dünýä malyn berseň, eýesi satmaz,
Şa istese, anyň dilegi bitmez-
Bedew bar, pul berseň, bahasy ýetmez,
Bardyr bedew, salan juluna degmez.
Bedew gerek – äre söweşde serhoş,
Ýat bilen baryşsaň, bolar garyndaş,
Ýagşy ogul, ýagşy aýal, gyz, gardaş,
Bu döwler her kimiň eline degmez.
Magtymguly, bu dünäniň aşreti;
Iýmek, içmek, münmek, guçmak, söhbeti
Bir niçeler mydam kylar tagaty,
Niçäniň sežde jaý alyna degmez.
(Bu goşgy käbir golýazmalarda Magrupynyň adyna hem gelýär)
-
Harmandali
16 years ago
- Şu goşgy Magtymguly Owganystana Ahmet Dürranyň ýanyna gitjek bolanynda ýazýa 1750-52. Azady ogluny goýbermejek bolýa Magtymgulam gitjek bolýa.
“Oglum-Azadym”
- Paş eýle syryňny, saklama pynhan,
Emma ki, sözümden çykmagyl, oglum!
Günde ýüz köý geler-geçer bu başa
Agyrtma, köňlümi ýykmagyl, oglum!
- Utanardym, syrym paş eýlemezdim,
Paş ederin, habar alsaň, Azadym!
Ýüz köý geler-geçer her gün bu başa,
Istäri bar, sapar kylsak Azadym!
Jepa urma özüň, çagyr möwlany,
Arzuwlama hany, begi, soltany,
Besdir bize owwal Taňry bereni
Aldyrma köňlüňni, gitmegil oglum!
- Gidenmiz ýok alty bile, bäş bile,
Seýran etsek niçe deňi-u duş bile.
Meger şonda gamgyn köňlüm hoş bolsa,
Köňül galkar, karar etmez Azadym!
- Werzişiň ýok, ýaş sen, gide bilmer sen,
Şöwür bar, şowhun bar, çyda bilmer sen,
Her işe baş goşup, ede bilmer sen,
Gitmeklik ýagdaýyn etmegil, oglum!
- Kişi sözlemeýen, syry paş olmaz,
Şagşydan, ýamandan aňlan ýaş olmaz,
Şu gez ibermeseň köňlüm hoş olmaz
Raýymyz gaýtarma, goýber, Azadym!
- Bizi beýle niçik terk edersiň bar?
Bu ýol bihudadyr, bir gidesiň bar
Gel, gitmegil, saňa köp terhosym bar,
Gaýgy, harajata batmagyl, oglum!
- Kalbyma giripdir yslam höwesi,
Teňňedir, dirhemdir halkyň tamasy,
Köňlüm närow etme, kylma terhoosy,
Bir sapar işidir, goýber, Azadym!
- Kuran okap gezgil, ýagşy kemaldyr,
Birehim owgandyr, dini yslamdyr,
Garakçydyr ýollar, hyzdyr, haramdyr,
Ölermiň, galarmyň, gitmegil, oglum!
- Synaýyn, göreýin, bu gün ykbalym,
Ýagşy gün, hoş sähet gelipmi salym,
Kast edip janymga, etse ajalym,
Bu ýerde hem bolsa, tapar, Azadym!
- Bilgeşleýin özüň nirä atar sen?
Niçik işdir muny beýle tutar sen?
Diýgil ahyr, kimiň bilen gider sen?
Dem tartyp, her ýana bakmagyl, oglum!
- Jylawdary bolam Ýazyr han piriň,
Köňül guşy perwaz urar pakyryň,
Bu gün ýedi gündir, “alhamd” okyryn,
Şat eýle köňlümni, goýber, Azadym!
- Azady diýr, bile sapa süreli,
Eýsem ibereli, synap göreli,
“Amin!” diýip, tur, oglum, pata bereli,
Bir Taňry ýar olsun saňa, git, oglum!
- Magtymguly aýdar: galmyşam çohdan,
Köňül guşy telwas urar yrakdan,
Her ýerde saglygym iste ol hakdan,
Doga kylyp, haka ýalbar, Azadym!
Gülen barmy?
Eý, ýaranlar, musulmanlar,
Aglamaýyn, gülen barmy?
Ýalançy pany dünýäde
Giden gaýdyp gelen barmy?
Pelek, kimlerni şat etdiň?
Kimni gamdan azat etdiň?
Birniçelerni mat etdiň,
Senden razy bolan barmy?
Kimse wepa tohmun eker,
Kimse ajal zähmin çeker,
Kimni gamdan azat eder,
Sararmaýyn, solan barmy?
Bildim bu dünýä çaglygyn,
Gam-gaflaty oýalygyn,
Hasta bolmaýyn, saglygyň
Ganymatyn bilen barmy?
Bu dünýä iki pyrakdyr,
Biri gara biri akdyr
Menzil iki, ýol ýyrakdyr,
Anyň pikrin kylan barmy?
Magtymguly geler, geçer,
Bu güzerde gonan, göçer,
Ýigitlik çyragy öçer,
Bul, sözümde ýalan barmy?
-
Harmandali
16 years ago
- Mätäç eýleme
Kadyr jepbar, senden dilegim kändir
Sen meni namarda mätäç eýleme!
Hazynaňa bergil meniň ryzkymy,
Bendäňi bendäňe mätäç eýleme!
Azaşdyrma dogry ýolum egrige
Egrini diňleme hergiz dogryga,
Kişi maly nesip etmez ogryga
Halaly harama mätäç eýleme!
Namart köprüsinden ölsem geçmez men,
Kerwen bolsam, halal işden gaçmaz men,
Elinden bir kässe şerap içmez men,
Sag elim sol ele mätäç eýleme!
Ýagşy niýet-ssenden dilegim köpdür
Ajy sözler dilden çykan bir okdur,
Doganyň dogana bahasy ýokdyr
Agany inige mätäç eýleme!
Magtymguly hakdan dile baryny,
Dilär bolsaň, dile öz imanyňy,
Abat eýle iki gözüň nuruny,
Sag gözüm sol göze mätäç eýleme!
**
Solan ýalydyr *
Sahylar şat bolar myhman gelende
Jahyla ýaraşar oýnap, gülende,
Adam ogly segsen ýaşa gelende,
Görseňiz, gyzyl gül solan ýalydyr.
Birniçe adam bar, ýygar teňňäni,
Özüňe taý görmän gezer öňňäni,
Namysly goç ýigit alsa ýeňňäni, -
Elmydam agasy ölen ýalydyr.
Ýene birisi bar, derwüşler başy,
Bedeni ak bolar, meledir daşy,
Säher nalyşynda gözünde ýaşy,
Dowzah-uçmahyny bilen ýalydyr.
Magtymguly okap, kitabyn açsa,
Kyrk çilten ýygnanyp, şerabyn içse,
Mal tapan goç ýigit zürýatsyz geçse,
Elmydam yzynda talaň ýalydyr.
* Goşgynyň birinji bendi ýok!
-
Harmandali
16 years ago
- “Ýolmuş bu dünýä”
Adem diýaryndan wujud şährine
Üç ýüz altmyş günlük ýolmuş bu dünýä,
Ýörip-ýörip bir kenarda ýetişdim,
Barsam, menden burun dolmuş bu dünýä
Men özümni bir meýlise ýetirdim,
Jahan tomaşasyn göze ýetirdim,
Gulak salyp, bir köşede otyrdym,
Ber-hä-bermiş, al-ha-almyş bu dünýä.
Kaýsy bir gudratyn diýsem miýesser,
Birin-birin atsam gelmez serbe-ser;
Üsti pelek, asty anyň ýedi ýer,
Andan aşak düşsem, elmiş bu dünýä.
Aýdar magtymguly, ýar bolsa hudaý,
Anyň birligine sen kylgyn perwaý,
Bolan günüň TOÝDUR, ölen günüň – WAÝ
Başdan-aýak galmagalmyş bu dünýä :)
* Garrygala etrabynyň Komsomol kolhozynda ýaşan Hudaýberdi Annaberdi oglundan ýazylyp alynda. Bu goşgyny Zunybynyň adyna maglumat hem bar.
“Ne peýda” *
Kerbela çölünde zöwza möwç ursa,
Bady baran akan silden ne peýda;
Bilbil kapas içre girýana dursa,
Baglarda açylan gülden ne peýda
Aryf bolsaň, gulak goýgul öwüde ,
Bir ýaprak çykarmy guran söwüde,
Gallaç bolup galan malsyz ýigide,
Berimsiz baýlardan puldan ne peýda.
Bedewiň ýagşysy şaryşa bolar,
Toýlarda çapylar, baýraklar alar,
Toplanmadyk atlar tozanda galar,
Üstüne salynan juldan ne peýda.
Gulan, keýik ol Karuna mal bolsa,
Bahadurlar güni Rüstem, Zal bolsa,
Gudrat bilen bir öleňlik köl bolsa,
Berkden çekilen ýoldan ne peýda.
Pakyr-misgin bilen bir ýere gitseň,
Ýadyndan çykarmaz merhemet etseň,
Aýdar magtymguly, jandan ötseň,
Ogul-gyz, gelinden, maldan ne peýda.
* Garrygalaly 85 ýaşly Amandurdy agadan ýazylyp alynan şygyr.
* Aryf, jul, Bahadur (hindi kinolarda köp eşdýädim) – şu sözleriň perewodyny bilýäniňiz bar bolsa aýdaýyň!
Kerbela çöl – nirdäki çöl?
-
Harmandali
16 years ago
- Mah-u sallara
Imdi, köňlüm, bu dünýäni söýmegil,
Ynanmagyl, ýagşy mah-u sallara!
Akyl erseň, her bir söze uýmagyl,
Söze uýan düşer aldan-allara!
Ýok eken dünýäniň ähdi-wepasy,
Kany ýigitleriň zowky-sapasy,
Gün-günden artadyr jebri-jepasy,
Bir gün salar sizi ýaman hallara.
Bir gün duşarsyňyz dowasyz derde,
Jan aýrylyp galar sargaryp murda,
Ýolugar siz munda, anda, her ýerde,
Depdere ýazylan kyl-u kallara.
Gelen geçer, munda hiç kimse galmaz,
Bendiwandyr anda, baranlar gelmez,
Ötenden-geçenden habaryn bilmez,
Garyp ülkesine giden illere.
Janyňňy tartarlar bogazyň gyssap,
Şol dem garaňkylar Aý ile Aftap,
Ata-ogul, dost ýaryndan dil istäp,
Delmurup bakar sen sag-u sollara.
Nesip bolsa, iliň-günüň ýyggylar,
Hijrap ody ýüregiňe dag salar,
Ogul-gyz dost ýaryň uzadyp galar,
Aýralyga giden uzyn ýollara.
Jellat ajal bir gün gelse näder sen,
Alajy ýok, naçar bolup gider sen,
Magtymguly, sen hem puşman eder sen,
----------------------------- billere.
-
Harmandali
16 years ago
- Gitmediň, dünýä
Bir aýbyň bar, diýerem seniň ýüzüňe,
Hiç kim bilen ýol gitmediň, dünýä!
Öňki gelenlere muhubbet etdiň,
Soňky gelenlere etmediň, dünýä!
Sözle imdi, kkimi berkarar etdiň,
Niçe kethudany har-u zar etdiň,
Süleýman tagtyna tar-u mar etdiň,
Ýusupny gul diýip satdyrdyň, dünýä
Neýlediň soltany, öldürdiň hany,
Şahy-Keýkawusny, Rüstem-u Zalny,
Döwlere hökm eden Süleýman kany,,
Alar bilen ýola gitmediň, dünýä!
Ýigit gerek, meýdan içre dik ola,
Ýigide ok bile ýaýlar atyla,
Baba Omar gaçdy, belki, gutula,
Any kowa-kowa sen tutdyň, dünýä!
Magtymguly, senden gorkar ýüregim,
Hak ýanynda kabul olsun dilegim,
Hasan, Huseýin arş-u kürsi geregim,
Kerbelada şehit etdiň sen dünýä
Harmandali 16 years ago- Batyrgyz shu goshgyny men yazan daldirn :))
Bolun shu yede Magtymguly atamyzyn goshgularyndan yazalyn!
“Mal ýagşy”
Adam bolup, adam gadryn bilmeýen,
Ondan ýene otlap ýören mal ýagşy.
Sözlegende, söz manysyn bilmeýen,
Ondan ýene sözlemeýen lal ýagşy.
Hudaýym saklasyn şerden, gahardan,
Minnetli aş ajy bolar zäherden,
Eý ýaranlar, bir bazarsyz şäherden,
Ondan ki bir güwläp ýatan çöl ýagşy
Her kimiň özune Müsürdir jaýy,
Ýadyndan çykmaýyr, baýramy-toýy.
Jan-saglygyň bolmaz hiç deňi-taýy
Agşam ýatyp, ertir şükür kyl ýagşy.
Bir biwepa ýara gülüp bakandan
Şirin jany yşk oduna ýakandan,
Ýat illerde mysapyrlyk çekenden,
Ursa, sögse, horlasa-da il ýagşy.
Magtymguly, sözlegil sen her bapdan,
Bu dünýä tutdurmaz, çüýrükdir düýpden
Aňyrsy gelmeýen gury, bar gepden –
Ondan ki bir şuwlap öten ýel ýagşy.