(10.01.2013ý. Dostum Amanyň söýgülisi öz janyna kast etdi ― dünýeden ötdi.)

Gara syýa çyrşap ömür sahabma,
Bu gün ykbalymdan gidäýdiň-le, gyz!
Näme sebäp, düşünmedim hasabňa,
Gözlerimden baky ýitäýdiñ-le, gyz!

Sesiň mukam, diliň dutar-tardy, wah,
Nähak gürrüň ömür gülüň gyrdy, wah,
Gözleriňi ýummagyňa irdi, wah,
Iňrik bolup, biwagt bataýdyň-la, gyz!

Pikirlerim bulam-bujar, dagynyk,
Aglaýar umytlam zarlap-bagyryp,
Gezjekdig-ä bagtda ýaýnap ― agynap,
Meni baky gussa çataýdyň-la, gyz!

Agyr degýär duýmak seniň ýoklugňy,
Saklap gitdiň mukaddes gyz päkligňi,
Bu gün subut etdiň ýeketäkligňi,
Bimahal jahandan ötäýdiň-le, gyz!
Gidäýdiň-le, gyz!..


Sapa HOMMADOW