Söýgi hasratyna duşan çagymda,
Bilbiller saýrady, Jennet bagymda,
Zybagözel adyň öçmez aňymda,
Ynan päk ýürekden söýýärin seni!

Seni söýmän geçip bilmen duşuňdan,
Gözel keşbiň aldy akly huşumdan,
Seni görsem turmaz bolsam
düýşümden,
Ynan päk ýürekden söýýärin seni!

Döwlet aýdar, kalbymdaky söygümsiň,
Bu durmuşda ýekeje sen bagtymsyň,
Ýüregimde soňlanmajak aýdymsyň,
Çyn ýürekden söýýän seni gözelim!

Döwlet Ýazgeldiýew