Gynanmasyn gyýylmasyn köýmesin
Aýrylmasyn aşyklar bir birinden
Hiç bir adam gözýaş dökip gezmesin
Aýra düşip watanyndan ilinden

Pilin alyp derin dökip meýdanda
Işlän daýhan rysgal tapsyn ýerinden
Erwet niýetleri erwet zatlary
Adam ogly aýyrsyn öz serinden

Her kim öz kärinden rysgalyn tapsyn
Şahyr galamyn goýmasyn elinden
Bagşy aýdym aýtsyn ýürekde joşyp
Şeýdip alkyş alsyn ulys ilinden

Çagalaryň gülki sesi ýatmasyn
Allam aýyrmasyn çörek ysyndan
Enäniň dogasy gorasyn bizi
Gezip ýören adamlaryň pisinden