Ölümlik tussagyň söz haky bardyr,
Ahyrky sözümi eşit, soňra git!
Arynyň güllerde göz haky bardyr,
Ýadygärlik bakyş galdyr, soňra git!


Bolýar, gidyän bolsaň, ahyrky nokat,
Ne –hä salgy galdyr, ne hat, ne surat,
Özüňden bir parça, bir jisim goýup
Saçyňdan birki tar ber-de, soňra git!


Arkamdan bir damja ýaş dökjek bolsaň,
Adymy eşdeňde ah çekjek bolsaň,
Gabryma bir gunça gül dikjek bolsaň,
Haýyşym, ýaşatma, öldür, soňra git!