Gerek däl maňa
“Oturşy bir, köňli aýry”
Gardaş gerek däl maňa,
Syrym ile ýaýyp ýören
Syrdaş gerek däl maňa.
Köseneýin ýekelikden,
Goý, kösesin durmuş meni,
Ýyly mährine çoýmaýan
Bibaş gerek däl maňa.
Bigäne mähir gandyrmaz,
Bil özüňkiň gadyryny.
Keseki ojak ýylatmaz,
Hergiz unutma şuny!
Özgäniň müň ýyly sözi
Birje ýylgyrtmaz meni,
Ýaryň ýakyşyndan aýry
Ataş gerek däl maňa.
Bi durmuşdyr, dert berende
Saralaýyn, solaýyn.
Ýöne mydam öz ojagmyň
Gapdalynda bolaýyn.
Öz öýümde aglaýyn men,
Öz öýümde diňeýin.
Kesekiniň ojagyndan
Suw-aş gerek däl maňa.
Çagyrsa-da uzak ýollar,
Istemerin, galaýyn.
Şat bolsam-da, hor bolsam-da,
Şu diýarda bolaýyn.
Watanymyň waspyn sözläp,
Mährin saza salaýyn,
Gaýry ilden, gaýry ýurtdan
Bir joş gerek däl maňa.
Ogulsenem Taňňyýewa Goşgular
-
myspaser
3 years ago
- Ýeňles aýala
...Bagra basanyňdan gürrüň bersene,
Gör, kimler guçduka bu inçe bili...
Sergeý Ýesenin.
Her hili maşyna münýäň-de-düşýäň,
Ar-namysyň ýitiripsiň bireýýäm.
Her hili ýigitler yzyňa düşýär,
Diýmezler olaryň birisem: “Söýýän!”
“Söýgi” sözün unutdyň sen bir mahal,
Bu dünýäde seniň diňe puluň bar.
Sen çaga ene däl, ýigide ýar däl!
Harama ylgadýan nije “guluň” bar!
Oýnawaçdan iren çaga mysaly,
“Gullaryňy” çalşyrýarsyň günde sen.
Päkligiňden jyda düşeniň üçin
Bagty küle çöken betbagt bende sen.
Gül beden gyzlaryň başyna atýan
Gyzyl kürtesine dolansaň-da sen,
Ak guw ýaly gelinleriň oranýan
Öýmesini alyp oransaň-da sen,
Şol aýalsyň, ýeňles, biwepa aýal,
Dogry sözüm üçin etme kinäni.
Öýme, kürte gizläp bilmez etmişleň,
Gizlese-de köpe degen synaňy.
-
yashalym
3 years ago
- saylanan eserler.i gowy
-
myspaser
3 years ago
- Kerwensaraý
(Dünýa hakda pelsepe)
Meniň ýüküm bisähet gün urulypdyr aslynda,
Bisähet günem düşmeli boldum sende, kerwensaraý.
Ýola düşdüm haýsy aýda, bilmen haýsy paslyňda,
Bilmedim haýsy gije, haýsy tünde, kerwensaraý.
Başda hasap ters bolansoň, unutdym ýoluň hasabyn,
Ýalana ýanym ýaplaman, unadym iliň hasabyn,
Hemmäni perişde saýyp, aldyryp elden hasasyn,
Beýewanda ýalňyz galan men—gende, kerwensaraý.
Saňa gelip ýük ýazdyrdym, ýatlaň ýany düşlän ýerim,
Munda sözüň gadyry ýok, bolmasa puluň-u-zeriň,
Gam-gussalar kalbym iýdi, aladadan dolup serim,
Gözlerimden ajy ýaş dökdüm günde, kerwensaraý.
Dat edip kyblam gözledim, wah, menden öň giden eken,
Perýat etdim käbäm diýip, güni biwagt batan eken,
Söýgi-mähir küýsedim men, gara lüýkde ýiten eken,
Neneň-niçik kastyň bardy, aýt mende, kerwensaraý!
Töwerekde goş ýazdyran jelepler bar, däliler bar,
Ýüregi pis, geplän wagty dili şeker ýalylar bar,
Jübüleri, haltalary haram puldan dolular bar,
Çyn ynsanlar az düşüpdir, wah, sende, kerwensaraý!
Şondanmyka gowy-gowy ynsanlaryň ir gidipdir,
Senden nägileleriň pygany arşa baryp ýetipdir,
Indi bir dilim saklaýyn, şeýtsem, belki-de, edepdir,
Hökman däl eken düşleme maňa sende, kerwensaraý.
Däli ýolagçyňa laýyk dälilikden habarym ýok,
Loly ýolagçyňa laýyk lolulykdan habarym ýok,
Beýle mahluklaň içinde mundan artyk durarym ýok,
Ynsan balasna kyn eken düşmek sende, kerwensaraý!
-
myspaser
3 years ago
- Men aglaman kim aglasyn?!
Geňlemegin gözde ýaşym,
Men aglaman, kim aglasyn!
Gowgadadyr ýalňyz başym,
Men aglaman, kim aglasyn!
Körpeligim otda geçdi,
Juwanlygym ýasda geçdi,
Kämilligim ýatda geçdi,
Men aglaman, kim aglasyn!
Ýolumda däli goýdular,
Ýanynda aly goýdular,
Bal diýip, awy goýdular,
Men aglaman, kim aglasyn!
Dörtdeş bolsaň, ses goş sese,
Goý, geňlesin kim geňlese,
Bagt guşy gondy ýeňlese,
Men aglaman, kim aglasyn!
Bu dünýede gülmeli bar,
Aglamaly, diňmeli bar,
Gözýaşymy sylmady ýar!
Men aglaman, kim aglasyn!
-
myspaser
3 years ago
- Gijeler
(iki pikir)
Bu gijeler diýseň agyr,
Ýada salýar ähli zady.
Şerçi aýalyň sözlerem
Gije kalba basýar ody.
Ejem janyň gamgyn keşbi
Göz öňüme gelýär her dem.
Aýralyk nem çaýýar göze,
Tutsam-da özümi merdem.
Bir töhmetçiň şyltagy-da
Tüm gijeler düşýär ýada.
Şol pursatda eňsem diýýän
Ar almaga paý-pyýada.
Has-da gybatkeş görünýär
Syrym saklamadyk joram.
Gijelerne beterleýär
Aşyk ýürekdäki ýaram.
Gara niýet ýaly gara
Hem-de agyr bu gijeler.
Şonuň üçin gijelerne
Ýürekde ejir güýjeler.
***
Neneň ajap, asuda siz,
Men size aşyk, gijeler.
Goýnuňyzda ýarym bilen
Gezdikçe sözler süýjeler.
Siz barkaňyz ýakyp bilmez
Gündiz ejir beren howur.
Tüneklere siňer gider
Uzak gün ýadadan gowur.
Aşyk şeal leýlisaçyň
Saçyn öpýär emaý bilen.
Gijelerne eşidýärin
Söýgi aýdymyny olaň.
Hem oýnaýar aşyk şemal
Leýlisaçyň tarlaryny.
Goýnuňyzda basýar bagra
Aşyklar öz ýarlaryny.
Misli “Serdäki pikirleň
Rahat ýaz” diýýän mysaly,
Uka çümen bu Zemine
Örtýäňizmi gara şaly?!
-
myspaser
3 years ago
- Oglum Ezize
Sen heniz kiçijik, juda kiçijik.
Ýürek açyp, söhbet edere, ogul.
Ýöne aýt, bu gün keýpleň niçijik,
Goşuldyňmy dostlaň hatarna, ogul?
Jedirdäp bu ynjan göwnümi açýaň,
Hem diýýäň bir dostuň öýkelekligin.
Onuň öýkesini ýazmaklyk üçin
Süýji-köke alyp gitmäniň bu gün.
Hem ýazgarýaň meni
jübüli köýnek
Geýdirmänim üçin baga gidende.
Öýkelek dostuňa süýji-kökäni
Zol nygtaýaň eltip berjegin günde.
Zat bilen öýkesi ýazylýan dostdan
Juda daşda, juda daşda bol, ogul,
Ýüregiň däl, zadyň dosty bolýanlar
Mydam arman çekdir, pendi al, ogul!
-
myspaser
3 years ago
- ***
Bagtyň açyk bolsun Amangeldimi
Ýigitlerden saýlap söýen bolsaň, gyz.
Pyşyrdyňa garyp näzli gülkiňi,
“Diňe seňki borun” diýen bolsaň, gyz.
Öýüňi aýdymly-sazly göreli,
Durmuşyňy mydam ýazly göreli,
Gujagyňy ogul-gyzly göreli,
Bu gün toý köýnegin geýen bolsaň, gyz.
Ýaşulyny sylap, gulak sal pende,
Gaşyň çytma, myhman gelse-de günde,
Käbämiziň mährin göreli sende
Biziň öýe gadam goýan bolsaň, gyz.
Biliň guşap her bir işde çeýe bol,
Gowy goňşy, gowy gelin, uýa bol,
Ejem janyň ojagyna eýe bol
Özüňi biziňki saýan bolsaň, gyz.
-
myspaser
3 years ago
- Iki aýal
Iki aýal—iki goňşy,
Ençe ýyldyr, birisi dul.
Beýlekiniň adamsy bar—
Ýöne ol mydam içgä gul.
Gözi gidýär aýallaryň
Biri-biriniň gününe.
Ärli aýal adamsynyň
her gün dileýär ölümin:
“Bir arkaýyn ýaşasadym,
Dulluk maňa-da ýar bolsun,
Wah, şü, serhoş näkes ýara
Ömür gözlerim zar bolsun!”
A dul bolsa goňşusynyň
Günün diläp, nala çekýär:
“Etse-etsin serhoşlugam,
Öýden girip-çyksady ýar!”
Iki aýal—iki goňşy,
Gözi gidýär bir-birine.
Kimiňkini makul biljek!
Iň kyn ýeri—şu-da, ine!
-
Perhat Sabirovv
3 years ago
- ++++++ Beýleki hekaýalaryny hem ýetirip duruň
myspaser 3 years ago- Durmuşa ýüzlenme
Gaty ir dälmikä,
Ýüzlenýän saňa?!
Sönmez ataşyňda ýandyrdyň, durmuş.
Ýok, nalamok, ejiz diýmäwer maňa,
Sere kän külpetler inderdiň, durmuş.
Ýetim goýduň bäş ýaşymda yzladyp,
Aýyrdyň sen kakam jandan bozladyp,
Dogry, gezdirmediň çörek gözledip,
Ýöne, gözüm ýaşa doldurdyň, durmuş.
Ýagşylyk edenlem eýlediň duşman,
Ýürekden söýenme etdirdiň puşman,
Asla ikimiziň ýolumyz duşman,
Arzuwymy ýolda syndyrdyň, durmuş.
Baýlyk hakda dil ýarmaga hakym ýok,
Saglygyma şükür, gyşyk gepim ýok,
Dogrusyny diýsem, birje nepiň ýok,
Umyt uçgunymy söndürdiň, durmuş.
Ejizlik däl ýada salmak geçeni,
Wagtyndan ir elden aldyň ejemi,
Bolmaly ahyry bar zadyň çeni,
Göwnümi juda kän syndyrdyň, durmuş.