Hezreti alynyň sahylygy.

Günleriň bir güni Hezreti Aly Metjitde mahaly, asmanda bir gökje kepderi görünip Metjidiň penjiresinden(aýnasyndan, äpişgesinden) içeri girýär we hudaý tarapyn adamýaly dil açýar:
- Eý Allahyň şir-goragçy-penakäri, sen beýiksiň. Yzymdan laçyn gelýär kowalap. Halas et, gutar meni, çagalarym bar, ýaşasym gelýär! - diýip sen-men ýok Hezreti Alynyň arkasyna ylgap geçip, donunuň ýanynda bukulýar. Metjidiň içine müşk-anbaryň ysy ýaýraýar, Hezreti Aly bu ysa aýratyn üns berýär. Şol wagt dessine(bahymjak, tiz, derrew) laçyn peýda bolýar. Ol hem kepderi kimin dillenip:
- Allahyň ýerdäki goragçysy, şiri, Hezreti Aly, saňa ýalkymly salam bolsun. Men bu ýere öz oljamy(awumy) gözläp geldim. Gördüm şu ýere girdi. Aly! Bergil meň nesibe-paýymy. Ol meň rysgalymdyr. Sen ony alyp bukmaga hakyň ýok. Meň rysgalymy Alla berýär, sendäl! - diýen. Howada müşküň ysy hasda güýçlenýär. Ahwalaty oýlap otyran Hezreti Aly, egindeşi Gammara bakyp:
- Hanjarymy(pyçak, gyýak) alypgel!!! - diýdi. Gammar derrew buýrugy ýerine ýetirip hanjary getirip, Hezreti Ala uzatdy. Hezreti Aly hanjary gyýnyndan(hanjaryň daşyndaky gabyndan) çykaryp öz aýagynyň, jylkasyndan(topukluk=daban-ökjeden ýokarky ýerdäki togalak süňk-bölegi) bilen dyzyň aralygyndaky süňkiň arka tarapyndaky et bölegi) kepderiň göwresi ýaly eti kesmek niýet bilen zarb(urgy, tisginmek, silkinmek) urmak üçin elini ýokary galdyran pursady, laçyn Hezreti Alynyň goşaryndan tutup saklady we:
- Allahyň Şiri Hezreti Aly! Dur, saklan, beýtme, bu et, ýagny adam eti bize haramdyr. Biz seniň Allahyň şiridigiňe şek-şübhe(ynamsyzlyk) edip Allahdan seni barlamak üçin rugsat aldyk. Allah senihem söýýär we ynanýar, biz hem ynandyk. Gelip biziň barlagymyz hem şu boldy. Hakykatdan hem seniň akyl we sahylyk derejäň aňrysy görnenok eken. - diýip, ýaňky gökje kepderi bilen laçyn, bilelikde iki perişdä öwrülüp nur saçyp asmana galdylar we gözden gaýyp boldular. Geň galan Gammar:
- Aly! Bularyň perişdedigini nädip bildiňiz??? - diýip soran. Hezreti Alyhem:
- Dil açanlaryndan däl, sebäbi jany howp astyna düşüp, çagalarynyň aç ölmegine gözi ýeten ähli jandar dil açmasada gözleri bilen düşündirip biler. Müşk-anbaryň ýaýran ysyndan, sebäbi beýle müşkler-anbarlar ýer ýüzünde tapdyrmaz! - diýip jogap beripdir. Emma Hezreti Aly saklanylmadyk bolsa öz teninden bölek eti kesip Laçyna berjek ekeni.


Awtory: Halk arasyndan toplan IDEALLIDER.