Uçursa-da beren ganat perleriň, Durmuşyň ýoluny men geçe-geçe. Senden başga eziz ynsan görmedim, Käbäm, hany-manym, mähriban, EJE! Beýik gymmatlyklar ýeketäk bolar, Asman, Watan, onsoň senem ýekeje. Meger şondan ene kalby päk bolar, Barlygyňda dünýäm lälezar, EJE! Hüwdileriň, ýatman gijäň ýarynda, Agramyn ölçäre aýdym-saz küje. Seniň şol mähriň, söýgiň ýanynda, Meň bujagaz söýgim nämedir, EJE! Il içinde abraýyňy saklaryn, Iň eý edeplerden men seçe-seçe. Maňa beren ekramyňy haklaryn, Jigeriň bendimem jana-jan, EJE! Bes, maňa ýüregiň şatlansa, gülse, Ýogsa arzuwlarym tükenmez nije. Ýylda bir güni däl, elimden gelse, Bir aýy seň aýyň ederdim, EJE! Ýene-de bir zady pugta bilmeli, Bu baýramy bellesek-de bileje. Haklysyň, gutlaglar seňki bolmaly, Öz baýramyň bilen gutlaýan, EJE!!! Şahyr Ilmet Gurban