WATAN

Çar tarapa dostluk goluny berýän,
Türkmenistan — baky Bitarap Watan!
Jebisleşýär dünýä ýurtlary bilen,
Türkmenistan — baky Bitarap Watan!

Zähmet joşýar bu Berkarar döwletde,
Bitaraplyk bilen belent hormatda,
Gaýratlydyr döretmekde-gurmakda,
Türkmenistan — baky Bitarap Watan!

Agzybirlik, asudalyk ýar saňa,
Buýsanç bilen älem garaýar saňa,
Köňüllermiz aýdym joşýar waspyňa,
Türkmenistan — baky Bitarap Watan!

* * *
Buýsançlydyr başym, serim belentde,
Eger-eger söýgim asla peselmez:
Ýaýlalara,
Tokaýlara,
Güllere,
Gözellere,
Bedewlere,
Göllere —
Bu Watana, bu Bitarap mekana.

Arkadag besledi döwletli döwran:
Bir söýgi,
Bir millet,
Berkarar döwlet.
Bizi bagtyň gujagyna dolduran,
Bagtyýarlyk döwri — beýik mertebe.
Söýgim synmaz şu günde-de, erte-de —
Bu Watana, bu Bitarap mekana.

Halallyk, päk zähmet, döwrüň eşreti,
Kepil bolup, nurun saçýar ertäme.
Eger-eger söýgim asla peselmez:
Hezillige,
Gözellige, toýlara,
Köşgi-eýwanlara, ýmaratlara,
Şagalaň-şowhunly bagtly öýlere,
Sport desgalara, saglyk ýollara,
Zähmet gaýnap joşýan atyz çillere —
Bu Watana, bu Bitarap mekana.
Türkmeniň adyny arşa ýetirýän

Hem-de eşret derýasyny akdyrýan
Gahryman, mähriban Arkadagym bar!
Ýaşap ýörkäm Arkadag saýasynda,
Buýsançlydyr başym, serim belentde.
Eger-eger söýgim asla peselmez!
Türkmenistan atly beýik döwlete —
Bu Watana, bu Bitarap mekana.

Allaberdi PAŞŞYKOW
Garagum 8 2020
www.alem.su