Bizi görüp, gülkä başlar,
Gülsün ýazyrhanyň gyzy;
Ak gollaryn sala-sala,
Gelsin ýazyrhanyň gyzy.

Dost tapylar golda bara,
Başa ýüpek mahmal büre,
Hanjar alyp, bagrym para
Dilsin ýazyrhanyň gyzy.

Gaýna, ýüregim gaýnap joş,
Ak ýüzde bardyr galam gaş,
Meniň bilen haýr-u şer iş
Kylsyn ýazyrhanyň gyzy.

Mätäji diýr, gaýnap joşdum,
Ýar derdinden ýanyp-bişdim,
Men bir güýçli derde duşdum,
Bilsin ýazyrhanyň gyzy.

Mätäji