​Saud Arabystany Er-Riýad şäherindäki «New Murabba» etrabynyň esasy bölegi bolan «Mukaab» (Mukaab) taslamasynyň gurluşygyny wagtlaýynça duruzdy. Çeşmeleriň berýän maglumatyna görä, häkimiýetler taslamanyň maliýe taýdan netijeliligine we uzak möhletleýin maksatlaryna täzeden baha bermäge başladylar. ​Gürrüň «Görüş 2030» maksatnamasynyň çäklerindäki iň uly binagärlik taslamalarynyň biri barada barýar. Taslama laýyklykda, beýikligi, uzynlygy we giňligi 400 metre deň bolan kub görnüşli binanyň gurulmagy göz öňünde tutulýardy. Ol täze şäher etrabynyň merkezi bölegi bolmalydy. Başlangyç ýer işleri we sütünli düýbüni tutmak işleri tamamlanandan soň, gurluşyk işleri maliýeleşdiriş ulgamy, möhletler we garaşylýan ykdysady peýdasy täzeden gözden geçirilýänçä duruzyldy. ​Bu karar Saud Arabystanynyň, takmynan, 925 milliard dollar aktiwi bolan Döwlet maýa goýum fondunyň (Public Investment Fund) çemeleşmesiniň üýtgändigini görkezýär. Çeşmeleriň aýtmagyna görä, fond barha köp gysga möhletli peýda getirjek taslamalara gönükdirilýär. Taslamanyň täzeden gözden geçirilmegi nebitiň bahasyna baglylykda dörän býujet basyşlarynyň fonunda bolup geçýär. ​Başda «Mukaab» sanly giňişlikleri, söwda nokatlaryny, myhmanhanalary we dynç alyş desgalaryny öz içine alýan köpugurly toplum hökmünde meýilleşdirilipdi. «New Murabba» etrabynyň özi bolsa ýaşaýyş jaýlary, ofisler, medeni we söwda desgalary bolan iri şäher gurşawy hökmünde taslanypdy. ​«Mukaab» binasynyň gurluşygynda arakesme yglan edilendigine garamazdan, etrabyň beýleki bölekleriniň ösdürilmeginiň dowam edilmegine garaşylýar. ​Aslynda taslamany 2030-njy ýyla çenli tamamlamak göz öňünde tutulypdy, ýöne «New Murabba» etrabynyň gurulmaly möhleti eýýäm 2040-njy ýyla golaýlaşdyryldy.