“Al-Ahli” saud futbol kluby öz taryhynda ilkinji gezek Aziýanyň Çempionlar ligasynyň ýeňijisi boldy. Jiddada (Saud Arabystany) geçirilen final oýnunda topar Ýaponiýanyň “Kawasaki Frontale” klubuny 2:0 hasabynda utdy. “Al-Ahli” üçin gollary 35-nji minutda Wenderson Galeno we 42-nji minutda Frank Kessi tora girizdi. Bu “Al-Ahliniň” ýaryşda ilkinji ýeňşi boldy. Ozal klub iki gezek – 1986-njy we 2012-nji ýyllarda Aziýanyň Çempionlar ligasynyň finalyna çykypdy, ýöne iki gezekde-de utuldy. Ýarym finalda “Al-Ahli” başga bir saud klubuny – “Al-Hilýaly” utdy. “Kawasaki Frontale” 1/2 final tapgyrynda Kriştianu Ronaldunyň topary “Al-Nasrdan” üstün çykdy.