Bir jemgyýetiň içinden erbetlerini saýlap aýyryp,diňe ýagşylaryny goýsaň,wagtyň geçmegi bilen güýçlüleri ejizleriň üstünden häkimiýetini dikýärler.Müňlerçe,millionlarça adamy öz häkimligiňe tabyn ýagdaýda saklamak isleseň,ony ýagşy bolup amala aşyryp bolmaýar.Olar üçin kanunlar,düzgünler işläp taýýarlamaly bolýar.Düzgün bozujylary bolsa jezalandyrmaly.Sähel gowşaklyk eden ýeriňde häkimýetiňi eliňden gaňryp aljaklar tapylýar.Häkimlik üstünde uruş-dawalar ýüze çykýar.Adamlar iki topara bölünip birek-biregi rehimsiz gyrýalar.Adam bar ýerde häkimýet bar,häkimýet bar ýerde uruş-dawa bar,uruş-dawalar bolsa adamlary ýowuzlaşdyrýar.