Mazaryň başynda otyryn ümsüm,
Hol aňyrdan sesi gelýär garganyň,
Indi eýýäm uly adam bolsamam,
Duýman galdym gozüme ýaş aýlanym.


Bu ýerde goş basyp ýatyr tukatlyk,
Gara ýer astynda ýatyr ynsanlar,
Şowhun-galmagaldan juda uzakda,
Dynç alýar bu ýerde baka gidenler.


Her mazar astynda ýatyr bir dünyä,
Hersiniň ýetmedik arzuwy bardyr...
Kim bilýär,belki-de bu ýatanlaryň,
Öz islegi bilen gidenem bardyr???


Ululy-kiçili sansyz tümmekler,
Ses-sedasyz dymyp otyr ýer bolup,
Bir ýerlerden gelen bölejik bulut,
Sepeläp başlady damjasyn seçip.


Gözlerimden gaýdan gözýaş monjugy,
Hasratyň howrundan göyä bugardy.
Mazaryň başynda ýeke-täk çykan,
Ösüp barýan güljagazy suwardy.


Şu goşgyny okap oturan ynsan,
Günleriň bir güni gitmeli senem,
Wah,garryja atam,garryja enem!
Bir gün-ä bu ýere gelerin menem...??


Bellik: Awtoryny bilemok, goşgyň adynam bilemok, eger bilýäniňiz bar bolsa ýazaýyň