Paraladyň kalbymy
Harladyň hyýallarym
Geçdi söýgi salgymy
Ýapyk saňa ýollarym

Nüçin meni söýmediň
Birje hoş söz diýmediň
Öň halymy duýmadyň
Indi hem duýaýmagyn

Ynsan kalbyny jeňde
Goýup bormy eýsemde ?
Indi meni söýseňde
Söýýärin diýäýmegin

Bakma gözde ýaşyma
Gyýylma aglaýşyma
Besdir girme düýşime
Armanda goýaýmagyn

Indi söýseňde çyndan
Saňa ynanmaryn men
Yza dolanmaryn men
Öziňem geläýmegin

Gerçeknazar Amannazarow

Çeşme : https://eserler.weebly.com