Köñlüm ýaralanan jeren mysaly,
Delmurýar delalat isleýän ýaly.
Derdime em isläp, urýaryn telwas,
Dertden haýsy bir zat ederkä halas?
Emsiz-ä dert bolmaz, taparynmy em,
Derdime em boljak nämekä, bilmen.
Bilmen men, nämeden köñlüm ýaraly,
Halas etjek näme dertli jereni?
Birden ses eşdildi, ýerimden galdym...
Giñän ýaly boldy ýaraly kalbym.
Soñra-da şol sesiñ göründi özi,
Gözlerime siñdi mähirli ýüzi.
Wysaly gowuşdym, em tapdy kalbym,
Ganat gerdim, uçdum, asmana galdym.
Jeksparro 4 years ago- Sen näme dymýañ?
Eý dost, görünýärsiñ şeýle perişan,
Öñki şatlygyñdan galmandyr nyşan.
Leýlisaç deý zülpüñ döküpsiñ ýere,
Ýa dostuñ ýüregñe saldymy ýara?
Ýa birinden eşitiñmi ýalan söz,
Ýa-da saña dikildimi ýaman göz?
Näme dymýañ, ýüregiñi açsana,
Öñkiñ ýaly diliñden dür saçsana.
Sen beýdip oturma, meñziñ saraldyp,
Öz-özüñiñ giñ dünýäñi daraldyp.
Dillen, galdyr başyñ, sen nämä dymýañ?
Hem garañkyradyp oturma dünýäñ.
Gözüñ aç, ýola çyk, säher wagtydyr,
Hakyñ ýoly elmydama ýagtydyr.
(K. Ärsaryýewa)