Nirde sen, eý, Nina, ermeni gyzy, Gezsem taparmykam bütin Soýuzy! Ol gün ýel ösýärdi tozdyryp gary, Top oky ýagýardy, ýanýardy däri. Agaçlar burjulap, suwlar doñupdy, Beýnim sarsyp, ýüzüme gan eñipdi. Gulak eşidýärdi, göz görmeýärdi, Iki elim ganly gary sermeýärdi. Kellämi galdyryp bir ýakymly el, Galmagal içinde bir zat diýdi ol. Mähriban ene dek edýärdi emi, Çawýardy ýüzüme ýakymly demi. Ýadymda däl aýdan sözlerniñ bary, Şulary ýat tutdym şol gunden bäri: "Adym Nina " - diýdi, "Özüm ermeni" Şol gyz halas etdi ölümden meni. Nirde sen, eý Nina, ermeni gyzy, Gezsem taparmykam bütin Soýuzy.