Nusgawy äheň egsilmezdir, eşretleri eremiň, nika bozman bile ömür sürşene. ýöne bir biwepa göwün bereniň, suw beren ýalydyr ajy türşege. çuňdan syzlar göwnüň intizarlygy, peslikdendir giň dünýäniň darlygy. gül dälmidir süýji sözleň barlygy, ajy sözler barabardyr gurşuna. öwezine tama etmän hiç zady, sahawat edeniň peselmez bady. köňüller köşgünde ýazylyp ady, melhem bolar ýürekleriň urşuna. emmaki bir husyt ýaranjaň baýyň, aýbyny öňýeten açmaga taýyn. doldursa-da zerden, halydan jaýyn, öz syrtyny dözmez mahmal düşege. söz bolmasa zehinimiz zeýlärdi, goşgy ýazman magtymguly neýlärdi. ilmet gurban dilin bendi eýlärdi, agzy ýapyk zyndan bolsa durşuna. şahyr-ilmet gurban