Şu gün Aşgabat şäherindäki «Ýyldyz» myhmanhanasynda Garaşsyz Döwletleriň Arkalaşygynyň (GDA) Ykdysady geňeşiniň 111-nji mejlisi geçirilýär. Oňa GDA-nyň Baş sekretary S.N. Lebedew, GDA-a gatnaşyjy döwletleriň wekiliýetleriniň ýolbaşçylary hem-de wekiliýet agzalary gatnaşýarlar. Mejlisш GDA-nyň Ykdysady geňeşiniň başlygy, Türkmenistanyň Ministrler Kabinetiniň Başlygynyň orunbasary Hoşmyrat Geldimyradow alyp barýar. Mejlisiň gün tertibine Arkalaşyga agza döwletleriň ykdysady hyzmatdaşlygyna degişli meseleleriň ara alnyp maslahatlaşylmagy girizildi. Hususan-da, 2023–2026-njy ýyllarda Standartlaşdyrmak, metrologiýa we sertifikatlaşdyrmak boýunça Döwletara geňeşiň alyp baran işlerine garalar. Mundan başga-da, senagatyň ýokary tehnologiýaly pudaklary üçin geljegi uly materiallary öndürmek babatda GDA-a gatnaşyjy döwletleriň hyzmatdaşlygyny ösdürmegiň Konsepsiýasynyň taslamasy, şeýle hem ony durmuşa geçirmek boýunça çäreleriň meýilnamasy ara alnyp maslahatlaşylar. Maslahatlaşmalaryň netijeleri boýunça jemleýji resminamalaryň gol çekilmegi göz öňünde tutulýar.