«Netflix» striming platformasy «Penjiräniň aňyrsyndaky pyşyrdy» (The Whisper Man, 18+) atly täze gorkuly detektiw filmiň ilkinji treýlerini paýlaşdy, onda baş keşpleri meşhur aktýorlar Robert de Niro («Bir gezek Amerikada», «Tutluşyk») hem-de Adam Skott («Bölünişik», «Ullakan kiçijik ýalan») ýerine ýetirýärler diýip, «rg.ru» ýazýar. ... Aýaly aradan çykandan soňra Tom Kennedi (Skott) sekiz ýaşly ogly bilen ümsüm ülke şäherjiginde täze durmuşa başlamakçy bolýar. Emma täze ýere göçüp baran dessine onuň ogly yzsyz-sorsuz ýitýär. Halys kelebiň ujuny ýitiren Tom öz goja kakasyna – pensiýadaky aňtawça (De Niro) ýüz tutýar. Olar bilelikde gözlege başlaýarlar... Filmde şeýle hem Heýmiş Linkleýter, Mişel Monahan, Maýkl Kiton, Jon Kerroll Linç ýaly meşhur aktýorlar çykyş edýärler. «Penjiräniň aňyrsyndaky pyşyrdy» filmine öň ikinji keşplerde çykyş eden aktýor Jeffri Eşkroft režissýorlyk etdi. Filmiň premýerasy ady tutulan platformada 28-nji awgustda bolar.