Sloweniýada Alp daglaryndaky öri meýdanynda betbagtçylyk boldy: 90 töweregi goýun ýyldyrym urup heläk boldy. Waka ýurduň demirgazyk-günbataryndaky Krasi-Wrh dag gerşiniň etrabynda boldy diýip, «MIR 24» habar berdi. Respublikanyň azyk önümleriniň howpsuzlygy, weterinariýa we ösümlikleri goramak edarasynyň maglumatlaryna laýyklykda, heläk bolan mallaryň köpüsi barmasy kyn eňňitde galdy. Hünärmenler mallaryň läşlerini gözden geçirip, olarda ýyldyrym urmasyna mahsus ýanyklary hasaba aldylar.