Braziliýaly söweşiji Çarlz Oliweýra amerikaly Maks Holloueýi ýeňip, Las-Wegasdaky «Ti-Mobaýl» arenasynda geçirilen UFC 326 ýaryşynda BMF titulyny gazandy. Agşamyň esasy söweşinde garşydaşlar tutuş bäş raund söweşdi, şondan soň eminler biragyzdan ýeňşi Oliweýra berdi — 50:45. Bu üstünlik braziliýaly söweşijä professional rekordyny 37 ýeňşe ýetirmäge mümkinçilik berdi. Şeýle-de, onuň hasabynda 11 ýeňliş bar. Holloueý üçin bolsa bu ýeňliş karýerasynda dokuzynjy şowsuzlygy boldy. Bu duşuşyk olaryň 2015-nji ýylyň awgustynda başlanan tutluşygynyň dowamy boldy. Şonda amerikaly söweşiji Oliweýranyň şikes almagy sebäpli tehniki nokaut bilen ýeňiş gazanypdy. Indi 11 ýyldan soň Oliweýra tutuş 25 minutyň dowamynda söweşiň gidişini ele alyp, rewanş almagy başardy. Ýaryşyň ýene bir esasy söweşinde braziliýaly Kaýo Borralýo eminleriň biragyzdan beren çözgüdi bilen Renýe de Ridderi ýeňlişe sezewar etdi. UFC 326 ýaryşynyň beýleki söweşleriniň netijeleri: Raul Rosas Rob Fonty eminleriň biragyzdan beren çözgüdi bilen ýeňdi. Drýu Dober Maýkl Jonsony ikinji raundda tehniki nokaut bilen ýeňdi. Gregori Rodriges Brunno Ferreýrany birinji raundda nokaut bilen ýeňdi. Kodi Garbrandt Ksýao Lony eminleriň biragyzdan beren çözgüdi bilen ýeňdi. Donte Jonson Kodi Brandeýji eminleriň tapawutly çözgütleri bilen ýeňdi. Alberto Montes Rikki Tursiosy ikinji raundda demikdiriji usul bilen ýeňdi. Nýamjargal Tumendemberel Kodi Dardeni eminleriň biragyzdan beren çözgüdi bilen ýeňdi. Su Mudaerži Hesus Agilary eminleriň biragyzdan beren çözgüdi bilen ýeňdi. Diýar Nurgožaý Rafael Tobiasy eminleriň biragyzdan beren çözgüdi bilen ýeňdi. Rodolfo Bellato Lýuk Fernandezi birinji raundda tehniki nokaut bilen ýeňdi.