Samsung-yň Hindistandaky iň uly zawodynda Galaxy S26 hatarynyň önümçiligi başlanar. Kompaniýa enjamlaryň Uttar-Pradeş ştatynyň Noýda şäherindäki kärhanasynda ýygnaljakdygyny resmi taýdan tassyklady. Samsung-yň Günorta-Günbatar Aziýa boýunça bölüminiň ýolbaşçysy Jeý Bi Pakyň bellemegine görä, bu kärhana dünýäde ykjam enjamlary öndürýän iň uly zawoddyr. Bu ýerde täze seriýanyň ähli modellerini: Galaxy S26, Galaxy S26 Plus we Galaxy S26 Ultra smartfonlaryny öndürmek meýilleşdirilýär. Samsung-yň Bangalordaky we Noýdadaky ylmy-barlag (R&D) merkezleri Galaxy S26 hataryny döretmekde we ösdürmekde möhüm orun eýeledi. Ol Hindistanda önümçilik kuwwatlyklarynyň artdyrylmagynyň kompaniýanyň global strategiýasynda bu ýurduň eýeleýän ornuna doly gabat gelýändigini nygtady. Şeýlelikde, Hindistan bu seriýanyň smartfonlary öndürilýän dünýädäki üçünji ýurt bolar. Häzirki wagtda Galaxy S26 hatarynyň enjamlary diňe Günorta Koreýadaky we Wýetnamdaky zawodlarda öndürilýär.