Amerikaly Jastin Getji ýeňil agramda UFC-niň iň gowy söweşijileriniň reýtinginde birinji orny eýeläp, Arman Sarukýany ikinji orna düşürdi. Bu barada promouşeniň resmi saýty habar berýär. Sanawdaky üýtgeşmeler Las-Wegasda geçirilen UFC 324 ýaryşyndan soň bolup geçdi. Şol ýaryşda Getji öz watandaşy Peddi Pimbletti ýeňmegi başardy, bu hem oňa ýeňil agramda wagtlaýyn çempion titulyny gazanmaga mümkinçilik berdi. Bu agram derejesinde häzirki çempion Ispaniýanyň wekili Iliýa Topuriýa bolmagynda galýar. Diwizionyň iň güýçli bäş türgeniniň sanawyna braziliýaly Çarlz Oliweýra, amerikaly Maks Holloueý we Pimblett hem girýär. Mundan ozal birinji orny eýeläp gelen Arman Sarukýan ikinji orna düşdi. 29 ýaşly söweşiji noýabryň ahyrynda Katardaky ýaryşda geçiren soňky tutluşygynda Täze Zelandiýanyň wekili Den Hukeri ýeňdi.