Senegalyň milli ýygyndysy öz taryhynda ikinji gezek Afrika milletleriniň kubogyny aldy. Marokko toparyna garşy final oýny Rabat şäherinde geçirildi we Senegalyň goşmaça wagtda ýeňiş gazanmagy bilen tamamlandy. Oýnuň esasy wagty 0:0 hasabynda gutardy. Duşuşygyň ahyrynda dawaly pursatlar boldy. 90+2-nji minutda Senegalyň milli ýygyndysynyň goragçysy Abdulla Sek ýaryş eýelerine garşy gol geçirdi, ýöne ol hasaba alynmady. 6 minutdan soň emin El-Haji Malik Diufyň marokkoly hawbek Braim Diasa garşy düzgün bozmasy sebäpli Senegalyň derwezesine garşy penalti belledi. Şondan soň Senegal toparynyň baş tälimçisi Pap Tiaw oýunçylaryny meýdançadan çykardy. Hüjümçi Sadio Mane bolsa galyp, hereket bilen ýoldaşlaryny yzyna dolanmaga çagyrdy. 90+24-nji minutda Braim Dias penalti urdy we derwezeban Eduar Mendi topy tutdy. Goşmaça wagtda, 94-nji minutda senegallylar ýeňiş goluny baýram etdi – jerime meýdançasynyň çäginden goly ýarymgoragçy Pap Geýe geçirdi. Birinji gezek Senegalyň milli ýygyndysy Afrika milletleriniň kubogyny 2021-nji ýylda gazandy, şol wagt ol finalda Müsüri utdy (0:0, penalti tapgyrynda 4:2).