19-njy dekabra geçilen gije UEFA-nyň Konferensiýa ligasynyň umumy tapgyry tamamlandy. 6-njy tapgyryň oýunlarynyň netijesi boýunça, gönüden-göni 1/8 finala çykan toparlar, şeýle-de göreşi dowam etdirmek hukugy üçin pleý-off oýunlarynda oýnajak klublar belli boldy. Gönüden-göni 1/8 finala çykan toparlar: «Strasburg» (Fransiýa), «Rakuw» (Polşa), «AEK Afiny» (Gresiýa), «Sparta» (Praga, Çehiýa), «Raýo Walýekano» (Ispaniýa), «Şahtýor» (Donesk, Ukraina), «Maýns» (Germaniýa), «AEK Larnaka» (Kipr). Bu klublar gönüden-göni 1/8 finala ýollama aldy we dörtden bir finala çykmak üçin göreşer. Bu tapgyryň oýunlary 12-nji we 19-njy marta meýilleşdirilýär. Pleý-offda oýnajak klublar: «Lozanna» (Şweýsariýa), «Kristal Pelas» (Angliýa), «Leh» (Poznan, Polşa), «Samsunspor» (Türkiýe), «Sele» (Sloweniýa), AZ Alkmar (Niderlandlar), «Fiorentina» (Italiýa), «Rieka» (Horwatiýa), «Ýagelloniýa» (Polşa), «Omoniýa» (Kipr), «Noa» (Ermenistan), «Drita» (Demirgazyk Makedoniýa), KuPS (Finlýandiýa), «Şkendiýa» (Albaniýa), «Zrinski» (Bosniýa we Gersegowina), «Sigma» (Çehiýa). Dokuzynjydan 24-njä çenli orunlary eýelän bu toparlar 1/8 finala çykmak üçin pleý-off oýunlarynda oýnar. Olaryň duşuşyklary 13-nji we 20-nji fewralda geçiriler, tapgyryň bije çekilişigi 16-njy ýanwara meýilleşdirilýär. Bu tapgyryň ýeňijileri gönüden-göni 1/8 finala çykan klublara garşy oýnar. Konferensiýa ligasynyň häzirki ýeňijisi geçen ýaryşyň finalynda ispan «Betisini» 4:1 hasabynda utan Angliýanyň «Çelsi» klubudyr.