Türkmenistanly talyp Igor Ýermolaýew «Russiýa Federasiýasynyň ýylyň daşary ýurtly talyby» atly ählihalk bäsleşiginiň «Ýylyň ylmy öwrülişigi» atly ugry boýunça ýeňiji boldy. Bu barada uniwersitetiň Telegram-kanalynda habar berildi. I.Ýermolaýew Demirgazyk Kawkaz federal uniwersitetiniň Fizika-matematika we tebigy ylymlar institutynda bilim alýar. Sylag gowşurylyş dabarasy 2025-nji ýylyň 20-nji noýabrynda Moskwa şäherindäki Russiýanyň Halklaryň dostlugy uniwersitetinde (RUDN) geçirildi. Russiýanyň Daşary ýurtly talyplar assosiasiýasy tarapyndan guralan dabara ýurduň ähli künjeginden iň gowy talyplary bir ýere jemledi. Sylag gowşurylyş sekiz dürli ugur boýunça geçirildi.