UFC promouşeniň agram derejesine garamazdan iň gowy söweşijileriniň (P4P) täzelenen reýtingini neşir etdi. Bu sanawyň birinji ornuna Islam Mahaçew çykdy. 16-njy noýabrda Mahaçew Nýu-Ýorkda geçirilen UFC 322 ýaryşynda ýarym-orta agramdaky (77 kg çenli) titul ugrundaky söweşde awstraliýaly Jek Della Maddalenany eminleriň biragyzdan karary bilen ýeňdi. Bu ýeňişden soň Mahaçew ispan-gruziýaly söweşiji Iliýa Topuriýany ikinji orna süýşürdi. Üçünji orny gruziýaly Merab Dwalişwili eýeledi. Islam Mahaçew iki sany agram kategoriýasynda UFC titulyny gazanan ilkinji russiýaly söweşiji boldy. Ol 2022-nji ýylyň oktýabr aýyndan 2025-nji ýylyň maý aýyna çenli ýeňil agramda çempionlyk guşagyna eýe bolup, soňra agyr diwiziona geçmek üçin ondan ýüz öwürdi.