Audi R26 Concept konsept-karyny görkezdi — nemes kompaniýasynyň Formula-1-de ilkinji gezek çykjak ýaryş ulagy hut şeýle reňkler bilen bezeler. Awtoulag öndürijisi 2026-njy ýylda çempionatda bäsleşer. Zawod topary Stake F1 Team Kick Sauber toparynyň esasynda döredilýär. Awtoulagyň dizaýny kümüşsöw, gyzyl we gara reňklerde bolup, häzirlikçe hemaýatkär nyşanlary ýok. Liwreýa kuzowy wizual ýagdaýda iki bölege bölýär. Şeýle-de, dört halkaly nyşan “burnunda”, hereketlendirijiniň gapagynda we yzky antikryloda ýerleşdirildi. Audi toparyň doly tanyşdyrylyşyny ýanwar aýynda geçirer, ýaryş awtoulagy bolsa fewral aýynda synaglaryň öňüsyrasy görkeziler. Audi-iň baş direktory Gernot Dellner kompaniýanyň 2030-njy ýyla çenli çempionlyk ugrunda bäsleşmegi maksat edinýändigini mälim etdi. Toparda nemes sürüjisi Niko Hýulkenberg we braziliýaly Gabriel Bortoleto çykyş eder. Öň Ferrari toparyna ýolbaşçylyk eden şweýsariýaly-italýan inženeri Mattia Binotto toparyň ýolbaşçysy wezipesine bellendi.