YouTube wideopleýeriň interfeýsiniň uly täzelenmesine başlady. Ol web-wersiýa, Android, iOS we telewizorlar üçin programmalara täsir eder. Üýtgeşmeler dolandyryş elementleriniň ýerleşişini we wizual effektleri täzeden işlemek arkaly interfeýsi has arassa we düşnükli eder. Telewizorlarda wideo baradaky maglumat indi ýokarky çep burçda, dolandyryş elementleri bolsa progres zolagynyň aşagynda ýerleşýär: çepde – kanalyň belgisi, “Beýan” we “Ýazylmak” düwmeleri, merkezde – adaty aýtdyrmak/pauza düwmesi, sagda – “Subtitrler” we “Sazlamalar”. “Haladym”, “Halamadym”, “Teswirler” we “Saklap galmak” düwmeleri indi bir bloga birleşdirildi. Ykjam gurluşlarda albom formatda dolandyryş elementleriniň köpüsi ekranyň çep böleginde ýygnandy. Şeýle-de, belgiler toplumyna täzelenmeler girizildi. Indi “Haladyma” basylanda dinamiki wizuallaşdyryş peýda bolýar: mysal üçin, wideolar üçin saz notasy ýa-da sport kontentine tomaşa edilen bolsa, oýundan bir grafiki element. Saramak üçin iki gezek basmak funksiýasy indi ulanmak üçin has amatly boldy. Wideony saklap galmak ulgamy hem kämilleşdirildi: “Soňrak görmege” ýa-da pleýlistlere goşmaklyk indi has aýdyň görünýär we saz işleýär. Teswirlere has rahat okaýyş üçin tertipleşdirilen jogap ulgamy girizildi. Ykjam gurluşlarda bölümleriň arasynda geçiş motion-dizaýn animasiýasynyň netijesinde has akgynly boldy. Täzelenme eýýäm dünýädäki ähli ulanyjylarda peýda bolup başlady.