Madridiň “Realy” Argentinanyň “Riwer Pleýt” klubunyň 17 ýaşly wingeri Franko Mastantuononyň transferi üçin 63,2 mln ýewro töledi. Bu transfer Argentina futbolynyň taryhynda iň ulusy boldy diýip, “Riwer Pleýt” toparynyň metbugat gullugy belledi. Klub umumy mukdardan gönüden-göni 45 mln ýewro alar. Galan bölegi dürli töleglere sarp ediler. Şeýlelikde, 11,8 mln ýewro Ispaniýanyň salgyt gullugyna, 1,4 mln ýewro Argentinanyň futbolçylar birleşigine, 0,9 mln ýewro Argentinanyň Futbol Assosiasiýasynyň (AFA) gaznasyna, 3,6 mln ýewro sosial ätiýaçlandyryşa gönükdiriler. Ýene 0,5 mln ýewro gaýry çykdajylar bolar.