Döwletmämmet Azady adyndaky Türkmen milli dünýä dilleri instituty 2025-nji ýylyň aprel aýynyň 10-11-ine talypklaryň arasynda “Iňlis dili” dersi boýunça IV halkara internet olimpiadasyny geçirýär. Olimpiada Türkmenistanyň hem-de daşary ýurtlaryň dil we beýleki ugurly ýokary okuw mekdepleriniň talyplary gatnaşyp biler. Olimpiada talyplaryň nazary we amaly bilimlerini berkitmek hem-de kämilleşdirmek, olarda iňlis dilini öwrenmäge bolan höwesi artdyrmak we daşary ýurt dillerine zehinli ýaşlary ýüze çykarmak maksady bilen geçirilýär. Olimpiada gatnaşmaga isleg bildirýän talyplar 2025-nji ýylyň mart aýynyň 31-ine çenli datmddi.edu.tm resmi internet sahypasynda hasaba alynmaly. 1-2-nji aprelde olimpiadanyň saýlama tapgyry geçiriler. 10-njy aprelde institutyň uly mejlisler zalynda olimpiadanyň açylyş dabarasy geçiriler. Oňa türkmenistanly gatnaşyjylar gelip, daşary ýurtly gatnaşyjylar onlaýn görnüşde gatnaşarlar. 10-11-nji aprelde olimpiada Düzgünnamada bellenen tertipde geçiriler. Olimpiadanyň ýeňijileri Döwletmämmet Azady adyndaky Türkmen milli dünýä dilleri institutynyň Diplomy bilen sylaglanar.