Nebis seniň içiňdäki iň uly belaňdyr. Onuň başyna wagtynda nogta salaýmasaň, ol başyňy iýmän dynmaz.(359) Nebis - dert, göwün - dermanydyr. Göwün sähel zada-da monça bolmany öwreder. Nebsiň gözbaşy tamakinlikdir. Nebis seni içiňden ýykjak nägehandyr. (360) Haram baýlyk adamyň içinde-de öz hemşerilerini gözleýär we tapýar - şonuň üçin hem haram baýlyga ýüz uran adamyň gara ýüreginde haram zatlara bolan baş bermezek meýiller dömüp çykýar. Adam şol meýilleriň boýny, goly hem aýagy bagly guluna öwrülýär. Türkmen bu meýilleriň toplumyna nebis diýip at berýär.