BMW nemes kompaniýasy içinden ýandyrylýan hereketlendirijili awtomobilleriniň atlaryndan i harpyny aýyrmak kararyna geldi. Bu barada markanyň uly wise-prezidenti Bernd Kerber aýtdy diýip, gazeta.ru belleýär. Harpdan ýüz öwürmek baradaky karar bulaşyklygyň öňüni almak üçin kabul edildi. Öň, BMW öz elektrokar hataryny şeýle atlandyrypdy. Şeýlelikde, i harpy bilen hem benzin awtoulaglary, hem elektrik awtoulaglary aňladyldy. Netijede, kompaniýa d postfiksini dizel hereketlendirijili awtoulaglar, e harpyny gibridler we i harpyny elektrokarlar üçin goýmak kararyna geldi. BMW-niň benzin awtomobilleriniň adynda i harpy 70-nji ýyllaryň ahyrynda peýda boldy. Ol ýangyjy hereketlendirijä bermegiň inžektor sistemasynyň bardygyny aňladýardy. Kompaniýa indi bu adyň hiç hili manysynyň ýokdugyny, sebäbi karbýuratorly awtoulaglaryň indi çykarylmaýandygyny belledi.