Bellator-yň russiýaly çempiony Usman Nurmagomedow 17-nji maýda Parižde geçiriljek ýaryşda şikes sebäpli watandaşy Aleksandr Şabliýä garşy söweşip bilmez. Bu barada promouşeniň metbugat gullugyna salgylanyp, RBK habar berýär. Söweşiň täze senesi heniz belli däl. Nurmagomedow antidoping düzgünlerini bozandygy üçin ýarymýyllyk diskwalifikasiýa garamazdan, saklamagy başaran ýeňil agramda titulyny goramalydy. Söweşiji geçen ýylyň noýabr aýynda söweşden çetleşdirildi, onuň Bellator Gran-prisinde amerikaly Brent Primusa garşy ýeňişli ýarym final söweşi geçirilmedik diýlip hasaplandy. Soňrak söweşiji söweşden birnäçe aý öň bejergi üçin alan derman serişdeleri barada atletika komissiýasyny öz wagtynda habardar etmändigini aýtdy. Usman Habib Nurmagomedowyň doganoglanydyr. Ol MMA-da 17 ýeňiş gazandy we bir gezek hem ýeňilmedi.