Madridiň "Santýago Bernabeu" stadionynda Ispaniýanyň çempionatynyň 32-nji tapgyrynyň "Real" bilen "Barselonanyň" arasyndaky merkezi oýny geçirildi. Oýun netijeli bolup, "Realyň" 3:2 hasabynda utmagy bilen tamamlandy. 6-njy minutda "Barselonanyň" oýunçysy Andreas Kristensen hasaby açdy, ýöne "Real" 18-nji minutda penaltiden Winisius Žunioryň gol geçirmeginde hasaby deňledi. 69-njy minutda myhmanlar Fermin Lopesiň goly netijesinde ýene öňe saýlandylar. Madridliler 73-nji minutda Lukas Waskesiň goly bilen hasaby deňlediler. "Reala" ýeňşi goşulan 90+1-nji minutda Jud Bellingem getirdi. Şeýlelik bilen, 32 oýundan soň "Real" "Barselonadan" aratapawudyny 11 utuga çenli artdyrdy.