Konferensiýalar ligasynyň 1/4 finalynyň jogap oýunlary tamamlandy. Netijede, ýaryşyň ýarym finalyna gatnaşyjylaryň ählisi belli boldy. Italiýanyň “Fiorentinasy” Polşanyň “Wiktoriýa Plzenini” ynamly utdy (2:0, umumy 2:0). “Aston Willa” (Angliýa) “Lillden” (Fransiýa) 1:2 hasabynda utuldy (umumy 2:2). Penalti tapgyry iňlis klubunyň oýunçylary üçin şowly boldy – 4:3. “Brýugge” (Belgiýa) Ferran Žutglyň iki goly netijesinde “PAOK-a” (Gresiýa) ýeňiş üçin mümkinçilik goýmady (2:0). Umumy hasap – 3:0. Dartgynly duşuşykda Türkiýäniň “Fenerbahçesi” Gresiýanyň “Olimpiakosyny” 1:0 hasabynda utdy (umumy 3:3), ýöne penalti tapgyrynda grek toparynyň oýunçylary has takyk boldy (2:3). Şeýlelikde, ýarym finalda şular duşuşar: “Aston Willa” – “Olimpiakos” “Fiorentina” – “Brýugge”. 1/2 finalyň ilkinji oýunlary 2-nji maýda, jogap oýunlary 9-njy maýda geçiriler.