Onlaýn platformalaryň biri emeli aň tarapyndan döredilen modelleriň arasynda dünýädäki ilkinji gözellik bäsleşigi üçin ýüztutmalary kabul edip başlady. «Miss emeli aň» adyna dalaşgärleriň daşky görnüşlerine, awtorlarynyň hünär derejesine we modelleriň sosial ulgamlarda meşhurlygyna baha berler. Emin agzalary emeli aň blogerlerinden we telekeçilerden ybaratdyr. Guramaçylaryň ýaryşa gatnaşmak üçin hakyky adamlaryň suratlaryny ýa-da dipfeýki kabul etmeýändikleri habar berilýär – dalaşgärleriň hemmesi neýroulgam tarapyndan döredilmeli. Bäsleşigiň umumy baýrak gaznasy 20 müň dollar bolar. Bäsleşigiň ýeňijisi 5 müň dollar baýrak, 3 müň dollarlyk maslahat beriş programmasyny we ýene 5 müň dollarlyk PR goldawyny alar. Forbesiň habaryna görä, bäsleşigiň netijeleri 10-njy maýda yglan ediler.