17-nji martda Türkmenistanyň Katardaky ilçisi M.Seýitmämmedow Kataryň medeniýet ministri Şeýh Abdulrahman ben Hamad Jassim ben Hamad Al Tani bilen duşuşdy. Türkmenistanyň DIM-niň Metbugat gullugynyň habar bermegine görä, taraplar iki ýurduň arasynda medeniýet ulgamynda hyzmatdaşlygy işjeňleşdirmegiň ugurlaryny maslahatlaşdylar. Kataryň wekiliýetiniň şu ýylda Türkmenistanda Magtymguly Pyragynyň 300 ýyllygy mynasybetli belleniljek dürli halkara çärelerine gatnaşmagy söhbetdeşligiň esasy temasy boldy.