Ilon Maskyň kompaniýasy tarapyndan işlenip düzülen Neuralink enjamy hakerlerden gowşak goralan bolup biler. Şeýle enjamyna hüjüm etmek üçin mümkin bolan ssenariýany kompýuter howpsuzlygy boýunça hünärmen Rojer Graýms The Sun gazetine beren interwýusynda beýan etdi. Munuň üçin haker Neuralink çipiniň haýsy operasion ulgamy ulanýandygyny bilmelidir. Eger ol giňden ýaýramadyk bolsa, onda goraglylygy birneme ygtybarly bolup biler. Mundan başga-da, hüjümçi çip interfeýsine ýakynynda bolmaly. Megerem, çip oturdylan ilkinji adam we onuň nirededigi baradaky maglumatlar şonuň üçin aýan edilýän däldir. Mundan başga-da, haker çipi dolandyrmak üçin onuň nähili işleýändigini bilmelidir. Implant internete birikdirilende döwülmek töwekgelçiligi artyp biler. Graýms geçmişde köp sanly lukmançylyk enjamlarynyň döwlendigini, şonuň üçin Neuralink-iň nobatdaky nyşana öwrülmeginiň mümkindigini aýtdy.