Halkara zenanlar gününde Türkmenistanyň dürli künjeklerinde täze ýaşaýyş jaýlarynyň açylyş dabaralary geçirildi. Türkmenistan Halkara habarlar merkeziniň habar bermegine görä, Ahal welaýatynyň Ak bugdaý etrabynyň Änew şäherinde bir sany 4 gatly 64 öýli täze ýaşaýyş jaýynda öý eýelerine açarlary gowşurmak dabarasy boldy. Balkan welaýatynyň Balkanabat şäherinde iki sany 4 gatly 40 öýli ýaşaýyş jaýy ulanmaga berildi. Daşoguz welaýatynyň dolandyryş merkezinde A.Nyýazow şaýolunyň ugrunda dört sany 4 gatly 16 öýli ýaşaýyş jaýynyň açylmagy mynasybetli giň gerimli baýramçylyk dabarasy geçirildi. Lebap welaýatynyň Türkmenabat şäheriniň Zelili köçesiniň ugrunda we Mary welaýatynyň Baýramaly şäheriniň Şypaly şaýolunyň ugrunda geçirildi. Bu ýerlerde degişlilikde, üç sany 4 gatly 24 öýli we bir sany 4 gatly 32 öýli we bir sany 4 gatly 24 öýli ýaşaýyş jaýlarynyň açylyşy boldy.