Oraza aýy Germaniýada ilkinji gezek giňden belleniler. Maýnyň boýundaky Frankfurt şäheri bu baýramçylyk üçin bezelen ýurduň ilkinji şäheri boldy diýip, MIR 24 habar berýär. Munuň esasy sebäbi indi ol ýerdäki her altynjy ýaşaýjynyň musulman bolmagydyr. Bu bolsa takmynan, 150 müň adamdyr. Şonuň üçin şäher häkimligi olara sowgat etmek kararyna geldi. Merkezi köçelerde yslamyň nyşanlary ýerleşdirilen girlýandlar peýda boldy. Daşary ýurtlardan bezegler satyn alyndy. Olar üçin 100 müň ýewro sarp edildi.