Lenovo sarp edijileri elýeterli tehnologiýa bilen üpjün etmäge gönükdirilen täze “Sertifikatly dikeldilen önümler” programmasyny hödürledi. Programma dikeldilen kompýuterleri we beýleki enjamlary satmaga gönükdiriler diýip, Gizmochina habar berdi. Programmanyň iki maksady bar: täze ulanyjylary çekmek we şol bir wagtyň özünde elektron galyndylarynyň mukdaryny azaltmak. Synagyň bir bölegi hökmünde bu maksatnama ilki bäş bazarda: Daniýada, Fransiýada, Germaniýada, Angliýada we Gonkongda elýeterli bolar. Taslamanyň gaty meşhur bolmagyna garaşylýar. Her ýyl millionlarça iş kompýuterleri zyňylýar ýa-da ýokary bahalardan satylýar. Lenovo maglumatlary giňişleýin arassalanan we düýpli hyzmat edilen elýeterli we barlagdan geçen enjamlary hödürleýär. Şeýlelik bilen, kompaniýa diňe bir daşky gurşawy goramak bilen çäklenmän, çäkli býujetli adamlara häzirki zaman tehnologiýalaryna elýeterlilik almaga mümkinçilik berýär.