«Barselona» futbol klubunyň baş tälimçisi Hawi möwsümiň ahyrynda wezipesinden aýryljakdygyny habar berdi. Şenbe güni Ispaniýanyň çempionatynyň 22-nji tapgyrynyň oýnunda katalon kluby öz meýdançasynda «Wilýarrealdan» 3:5 hasabynda ýeňildi. Klub çempionatyň sanawynda üçünji orunda barýar we birinji orundaky Madridiň «Realyndan» 10 utuk yza galýar. «Maňa sorag bermegiňizden öň, 30-njy iýundan «Barselonanyň» baş tälimçisi hökmünde işlemejekdigimi habar bermek isleýärin. Bu barada klubuň prezidenti Žoan Laporta we ýolbaşçylar bilen maslahatlaşdyk. Toparyň janköýeri hökmünde kluba özgertmeler gerek diýip hasaplaýaryn, şeýlelik bilen, oýunçylar has erkin we rahat. Ýöne galan dört aýyň dowamynda gowy möwsümi geçirmek üçin elimden gelenini ederin. Dinamikanyň üýtgär diýip umyt edýärin» diýip, Hawi metbugat maslahatynda aýtdy. Hünärmen geljegi barada birnäçe günüň dowamynda pikirlenendigini belledi. Hawi 44 ýaşynda, ol 2021-nji ýylyň noýabr aýynda «Barselona» baş tälimçi hökmünde bellenildi, onuň katalon kluby bilen şertnamasy 2025-nji ýylyň 30-njy iýunyna çenli niýetlenendir we onda ýene bir möwsüme uzaltmak mümkinçiligi göz öňünde tutulandyr. Geçen möwsümde ol «gök-gyrmyzylary» La Liganyň çempionlygyna we Ispaniýanyň Superkubogynda ýeňşe alyp bardy.