UEFA-nyň resmi saýty 2023/2024-möwsüminiň Çempionlar ligasynyň toparlaýyn tapgyryndaky iň gowy futbolçylaryň simwoliki toparyny hödürledi. Report agentliginiň habar bermegine görä, oňa Angliýanyň “Arsenal”, Germaniýanyň Dortmundyň “Borussiýasy” we Ispaniýanyň “Real Sosýedad” toparynyň hersinden iki oýunçy girdi. Şeýle-de, topara “Bawariýadan”, “Portudan”, “Barselonadan”, “Mançester Sitiden” we Madridiň “Realyndan” bir oýunçy girdi. 2023/2024-möwsüminiň Çempionlar ligasynyň toparlaýyn tapgyrynyň simwoliki topary: Derwezeban: Gregor Kobel (Dortmundyň “Borussiýasy”); Goragçylar: Žoau Kanselu (“Barselona”), Mats Hummels (Dortmundyň “Borussiýasy”), Aýen Munos (“Real Sosýedad”). Ýarym goragçylar: Bukaýo Saka (“Arsenal”), Fil Foden (“Mançester Siti”), Jud Bellingem (Madridiň “Realy”), Braýs Mendes (“Real Sosýedad”), Wenderson Galeno (“Portu”). Hüjümçiler: Garri Keýn (“Bawariýa”), Gabriel Žezus (“Arsenal”).