Samsung Apple we Microsoft leptoplary bilen bäsleşjek täze Galaxy Book 4 noutbugyny taýýarlaýar. Bu barada Windows Report neşirine salgylanyp, gazeta.ru habar berýär. Galaxy Book 4 metal korpusa we AMOLED ekrana eýe bolar. Interfeýslerden bir USB 3.2 porty, iki Thunderbolt 4 porty, bir HDMI, MicroSD kart okaýjy we nauşnikler hem mikrofonlar üçin kombinirlenen bölek göz öňünde tutuldy. Öndürijilige Intel Core 5 prosessory jogap berer. Onuň bilen birlikde grafikany işlemek bilen içerki GPU – Intel Arc Graphics meşgullanar. Galaxy Book 4 Windows 11 bilen üpjün ediler. Samsung kompaniýasy esasy Galaxy Book 4 bilen bir hatarda Book 4 360, Book 4 360 PRO, şeýle-de Book 4 Ultra seriýalarynda has ösen leptoplary hem taýýarlaýar.