Polşaly tennisçi Iga Swýontek “Uimbldonyň” zenanlaryň arasyndaky finalynyň taryhynda iň uly ýeňişleriň birini gazandy. Dünýäniň dördünji raketkasy ýaryşda amerikaly Amanda Anisimowany (№ 12 WTA) 6:0, 6:0 hasabynda utdy. Oýun bary-ýogy 57 minut dowam etdi. Bu soňky 114 ýylda zenanlar finalynyň ilkinji gezek 6:0, 6:0 hasabynda tamamlanmagy boldy. Soňky gezek şeýle netije 1911-nji ýylda hasaba alyndy: şonda Doroteýa Lambert-Çambers şeýle hasap bilen Dora Butbini utdy. Swýontek üçin bu karýerasynda ilkinji “Uimbldon” tituly boldy. Ozal ol dört gezek “Rolan Garrosda” (2020, 2022, 2023, 2024) we bir gezek “US Open-de” (2022) ýeňiş gazandy. “Uimbldon” 13-nji iýulda tamamlanar. Erkekleriň finalynda titul üçin ispaniýaly Karlos Alkaras bilen italiýaly Ýannik Sinner göreşer. Ýaryşyň umumy baýrak gaznasy 53,55 mln funt sterlinge barabar.