Senden aýrylsamam,aýryldym welin,
Ýatsam düýşde görýän,seni küýseýän.
Gezsemem gezip,ýörendirin welin,
Çenden aşa seň mähriňe suwsaýan.

Senden aýrylsamam,aýryldym welin,
Ýaşan günlerimde görmedim many.
Görip otursam,sen gideliň bäri,
Şatlygyny ýitiren eken pany.

Senden aýrylsamam,aýryldym welin,
Sensizlikde elim bala batmady.
,,Sen günäkär''diýýän,şowsuzlyklamam,
Sen gideňden soňam,menden gitmedi.

Senden aýrylsamam,aýryldym welin,
Sensizlikden,halys indi ýadadym.
Gözlerime iläýmezmikäň diýip,
Telim gezek köçäňizden gatnadym.

Gatnadym,gatnadym,yzyny kesmän,
Ýaganda ýagyşlar,ýaganda-da gar.
Deňiňizde,sakçy durdym gijeler,
Seniň nurly,gözleriňe bolyp zar.

Senden aýrylsamam,aýryldym welin,
Goşalanmady-la meniň şatlygym.
Goý,men şatlanmaýyn,ýöne göreýin,
Seniň mensiz,bu dünýäde şatlygyň.